+0 به يه ن

يام نيوز:آذرآي نين 27 سينده استانداري كاخ ينده كئچيريلن استان ين ايقتصادي شورا سيندا استانين صنايع

اييه لري و مديرلري ايشتركي اولوب.

يام نيوزون ايرنا خبر آگئنت يندن آلديغي خبره گؤره بو اوتورومدا شرقي آذربايجان استانداري مسول لاردان ايسته دي تبريزين ايقتصادي پتانسيل لرينه داياراق تبريزده ايل ليك ايسلام دونيا سي نين تاجرلر فيكير اتاق ين يولا سالسينلار او قاچاق ايله مبارزه نين گئنيش لنمه سين ايسته دي و آرتيردي خاريجي شكلات لارين وارداتي استان صنايع سينه آغير ضربه وورور او اؤنري وئردي گلن كي قاچاق ما لار ايله مبارزه اوتورومو جلفادا كئچيريلسين.دوقتور جبارزاده سؤزلزي نين آرديسنده دئدي استان دا 4مين دن آرتيق 40 ياشيندان چوخ بؤيوك ماشين واردير و استان ين خصوصا تيراختورسازي شيركت نين بو موضوع دا بؤيوك پتانسيل لري واردير و بيز بؤيوك ماشين صنايع ينده سرمايه ياتيردانلاردان حمايت ائديريك.

ايران پارلامئنت يندن اولان تبريزين ميللت وكيلي شهر يئرلرينين كاربري لري نين دگيشمه سينده قيرمز خط لره توجه ائلمگي ايسته ييب آرتيردي كئچن تبريز شهرداري بو شهرين 350 هكتار يئرلري نين كاربري سين دگيشديردي و بو ايش گرك متوقف اولا.

شرقي آذربايجان صنايع سي نين رئيسي ده اوستاندا نظامي و اينتظامي قوه لرين اؤز باشلاريني سرگي (نمايشگاه) آچماق لاريندن گئريليگيني بيلديريب اونلاردا ن ايسته دي بو ايشين قاباغين آلسينلار.

گون اتحاديه سي نين باشچي سي بو جلسه ده بو صنعت ساحه سينده چاليشانلارين ايلده استان بازارين دا 12 مين ميليارد پول تزريق يندن سؤز آچيب آرتيردي ي ايرانين گؤن و باشماق صنعتي نين بؤيوك بؤلومو شرقي آذربايجان دا يئرله شيب دير .مرزلردن گؤن  قاچاقي  بو صنعته بؤيوك ضربه وورا بيلر.

صنعتي تيراختورسازي مجموعه سي نين رئيسي مهندس ابراهيمي بو اوتورومدا شرقي آذربايجان استانداري نين سؤزلرينه توخوناراق دئدي بو شيركت ين الي آلتيندا اولان سيبا شيركتي ايراندا ايكي بؤيوك ماشين موتورو توليد ائدن شركت لردن بيري  اولدوغونا خاطير بو مجموعه ائلييه بيلر ايلده ايكي مين بؤيوك ماشين  توليد ائله ييب استان ين و مملكت ين نقليه بؤلومونه تحويل وئرسين .او آرتيردي بو مجموعه حتي راضي دير بير معتبر ليزينگ شيركتين ال ايله ده محصولات ين مشتري لري نين الينه چاتديرسين.