+0 به يه ن

يام نيوز آذرتاج خبر آگئنتينه داياناراق خبر يايير،پرئزيدئنت ايلهام الييئو دۆنيا بازاريندا نئفتين قييمتي‌نين اۇجوزلاشماسي‌نين آذربايجان اقتصادياتينا تأثير ائتمه‌ديگيني و ميللي ارزين  ثابت قالديغيني بيلديريب.

اوْنون سؤزلرينه گؤره، نئفتين اۇجوزلاشماسيني آذربايجاندا “هئچ بير آدام حيسس ائتمه‌يه‌جك”.

“چۆنكي بيزيم چوْخ گۆجلو اقتصادي داياقلاريميز وار. ماناتين ارزشي  ثابتدير و بۇ، اوْنو دئمه‌يه اساس وئرير كي، هم اقتصادي گۆجوموز، دۆشونولموش سياستيميز، عيني زاماندا، سوْسيال سياستيميز وار. ايندي ماناتين ارزشي ‌نين ثابت اوْلماسي بلكه ده بيزيم صادرات  پوْتئنسياليميز اۆچون اوْ قدر ده مۆثبت حال دئييل”.

رۇسييانين ميللي پولو  اوْلان رۇبلون گۆنو گۆندن ديَردن دۆشمه‌سي‌نين آردينجا ائرمه‌نيستانين ميللي پولو  اوْلان درامين قييمتي‌نين اۇجوزلاشيب. آذربايجانلا قوْنشو اوْلان گۆرجوستانين ميللي پولو  ائنمه مۆشاهيده اوْلونور. 

آذربايجاندا ايسه، دۆنيا بازارلاريندا نئفتين قييمتي‌نين آزالماسينا، قوْنشو رۇسييادا رۇبلون قييمتي‌نين رئكوْرد آشاغي حدده چاتماسينا رغماٌ، ماناتين قييمتي ثابت اوْلاراق قالماقدادير. 

بعضي تحليلچيلر آذربايجان ماناتي‌نين ثابت قالماسيني حؤكومتين “سرت پۇل سياستي” ايله علاقه‌‌لنديرير، بعضيلري بۇ حالين داوام ائده‌جيي وضعيتده ماناتين ديَري‌نين دۆشه‌جه‌ييني پيش بين ليك  ائديرلر.