+0 به يه ن

یام نیوزون ایرنا خبر آگئنت یندن آلیغی خبره گؤره  شرقی آذربایجان استانداری سی نین معاونی دئییر دؤولت 94 نجی بودجه سینده تبریزین مئتروسونون تکمیل ینه 12 میلیارد تومن بودجه آییریب .

سه راه امین ده تیکیلن  مترو ایستگاهین یوخلایان مسولون دئدیگینه گؤره کئچن ایل تبریز مئتروسونا 20 میلیاردتومن  تبریز شهرداری سی و 9 میلیارد اوچ یوز میلیون تومن ده دؤولت بودجه خرجلییب .و ایندییه قدر بو پوروژ یه مین میلیارد تومن پول هزینه اولوبدور دؤولت بو پروژه یه بودجه محدویتی تانمیر و بیز چالیشیریق بوتون میللی و استانی ایمکانلاریمیزدان بو یولدا ایستفاده ائدک ایندی لیک ده تبریز شهرداری سیندن بیر گروه واگن لری آلماق اوچون چین ده دیرلر و بیز بو واگن لری آلا بیلسک شاه گؤلوندن باغلارباغی محدوده سینده مترونو یولا سالا بیلریک.

تبریزین مترو شیرکتی نین مدیرعاملی ده دئییرکی شاه گؤلو باغلارباغی مسیری آماده دیر امما واگن یوخوموزدور.اونون دئدیگینه گؤره تبریزین 17 کیلومتر لیک بیرینجی خط نین ایستگاه لاری نین یئرین آلیب  تیکمه لرینه 1400 میلیارد بودجه یه نیازمیز وار. بو خط شاه گؤلودن لاله نین آخرینا قدر اوزانیب دیر.