+0 به يه ن

يام نيوز:يول و ائو وزارت خاناسي نين مطبوعات خدمت يندن يام نيوزون آلديغي معلوماتا گؤره ايران ين يول و ائو وزيري تبريز سفرينده بو شهرين طياره ميدانيندا سالينان بئتوني باند يندن گؤروش زاماني مرزي ترمينال لارين  گئنيش لنديرمه سياست لرينه استارت وئرمه سيندن سؤز آچيب دئييب كي دؤولت قونشو مملكت لري ايله تجارتي آرتيرماق اوچون بو ترمينال لاري گئنيش لنديرير.او سفرنين آريدي  سينده اهر-تبريز يولو پوروژه سينده گؤروش ائديب بيلديريب كي بو پروژه نين اهميتي باعث اولدو من يئنه بورا سفر ائديم پورژه بيزيم اولويت پروژه لريميزدن اولدوغونا گؤره ايلين اولينده اونا آيريلان 5 ميليارد تومان بودجه سونرا 15 ميلياردا قدر چوخ آلدي وزارت ين گوجو بو قدر دي ايستميرم جاماعاتا يالان دانيشام ،پروژه نين مهم بير حيصه سي نين  چوخلو ايشلري گؤرونوب دور و بو ايلين آخرينا دك ايستيفاديه وئريله جك دير.مهندس آخوندي آرتيردي كي تبريز –اهر يولوندا گونده 9 الي 12 مين ماشين گل گئت ائدير و بو بو يولون اوتوبان ظرفيتين داشيماق پتانسيل ين گؤسترير اونا گؤره ضروري دير منطقه نين توسعه پلاني يول و ائو وزارت خاناسي نين ايشتراك ايله استانداري نين فني و عمراني بؤلومنده يازيلا بو يولون آوادلاشماق ايله آذربايجان جمهوريت ايله ايران آراسيندا تجارت و توريست صنعتي رشد ائده بيلر.

آرتير مالييق نئچه گون قاباق اهرين ميللت وكيلي دؤولت ين بو پوروژه يه دامجي دامجي بودجه لريندن اينتقاد ائله ميشدي.اهر تبريز يولو ايران چوخ قضالي يوللاريندان دير و ايلده بو يولدا يوزلر اينسان ماشين  قضالاري نتيجه سينده اؤلور.