+0 به يه ن

یام نیوز سالماس دان آلدیغی خبره گؤره دؤولت بو شهرین شهر شوراسی نین ایشینه دخالت ائدرک اینقلاب ایسلامی مئیدانین آدینی فردوسی یه دؤندریب یئنی دن فردوسی مجسمه سین بو مئیداندا  نصب ائدیب.

کئچن آی سالماس شهری نین شهر شوراسی نین تصمیم ایله بو شهرین فردوسی آدلی مئیدانین آدی اینقلاب مئیدانینا چئوررک بو مئداندا اولان فردوسی مجسمه سی گؤتورولموشدو،شهرین شورا سی نین ایختیاراتیندا اولان بو قانونو ایشه فارس عیرقی چی لری(نژاد پرست لری) اعتراض ائدرک بو دموکراتیک شورانین ایش لرینه دخالت ائدرک اونون آدینی یئنی دن دؤندرمک ایستمیشدیلر بو اعتراض چی لرین باشدا گئدنی مجلیس ین امنیت کمسیونون عضوو اردبیل میللت وکیلی منصور حقیقت پور سرت واکنش گؤستررک سالماس جاماعات نین شهر شورای سی نین قانونو ایختیاراتینا باخمایاراق ،بو ایش محکوم ائدرک دئمیشدی بیز مافوق نهاد لرین ال ایله خصوصا غربی آذربایجان اوستانداری نین ال ایله بو مئیدانین آدینی اینقلاب ایسلامی دن فردوسی دؤندره جه ییک،بو میللت وکیللی نین سعی لری ساحه سینده اوستانداری نین دستور ایله فردوسی مجسمه سی سالماسا دؤندو.

+0 به يه ن

یام نیوز : ایرانین قضائی قواسینین سوز دانیشانی بو حکمین وئریلمه سین تایید ائدی.
آقای محسنی اژه ای ایسنا آگئنتینه دئدی. بینفر ملا  ، «م.ج.ت» هویتدا ملا لر دادگاهی طرفینن اعدام حکم وئریلیب .

آرتیرمالییق غئیری رسمی خبر آگئنت لری بو ملا نین مجتهد اولدوغون دئییرلر.

+0 به يه ن

یام نیوز یاییر:

دنیانین چوخ هزینه لی شهرلری هارالاردیلار؟

مرسر(mercer) موسسه سی ٢٠١٤ ایلینده  دنیانین لاپ چوخ هزینه لی شهر لرین سیرالادی.

لواندا شهری آنگولانین پایتختی اولاراق بیرینجی سیرادا یئر آلیر.

انجامنا ،چاد کشورینین پایتختی ایکینجی و هنگ کنگ اوچونجو سیرادا یئرلشیر.سنگاپور دوردونجو و زوریخ بئشینجی سیرادا دیرلار

اینگیلیستاندا اوچ والدین لی اوشاقلار دونیایا گله جک

انگلستاندا یاخینایق دا ٣انسان دان آلینان dnaدن اوشاقلار دنیایه گلجک دیر.بو تکنولوژی واسطه سیله آنادان اوشاغا گئچن نوخوشلیقلار دایاندیریلاجاقدیر.دنیادا هر آلتی مین ٥٠٠اوشاقدان بیری بو نخوشلوقلارا یاخالار.بو تکنیک ده آنانین یومورتاسیندا اولان ساغلام سیز dnaلرین یئرینه باشقا قادین دان آلینان ساغلام dnaلری یئرلشدیریرلر

سوئدی محقق لر آلزایمر درمانیندا اؤنملی بیر آددیم گوتوروبلر

شینهوا خبرگذارلیغینین وئردیگی خبره گوره،سوئدلی بیلیم انسانلاری آلزایمر درمانیندا عصبی سلول لارین بویومه سینی تحریک ائدن بیر ایمپلنت قوللانیبلار و ایی جواب آلیبلار.

توریست لر ایچون سرنشین سیز اوچاق(هواپیما) دوزلیب دیر.

فلای اوچاغی عکاسی و فیلم کامئراسینا(video) مجهز دیر و برنامه سی بیر هوشمند گوشی ده نصب اولور و اپراتورا جانلی شکیل ده تصویر و فیلم ایزله مه سینی توریستی یئرلر(cap) ده امکان وئریر.

رسول خطیبی:بوندان سونرا دا بیر طرفدار کیمی استادییومدان سئوگیلی تیمیم تیراختور آلقیش لایاجاغام، او دئییب هامی تونی یه آرخا دورسون ، خطیبی آرتیریب کی من یالنیز نئچه آیلار زحمت ایله تیراختورا یازیلان اوچ ایل لیک وئرلیشین (پروقیرام) عقیم قالماسیندان ناراحاتام، ایستیردیم فوتبال آذربایجان یئرلی لشسین (بومی لشسین) تاسف ایله ایمکان وئرمه دیلر.

ترکیه ده مشهور  دین عالیم جببه لی احمد حوجا یا باعلی اولان  ساتیش مرکزینده اود آلماز و قبرین ایلک گئجه عذاب یندان قورویان کفن لر ساتیلیر ، معمولی کفن ین قیمتی 10 لیره اولسادا بو اوزل کفن لر 370 لیره اولوب.

برئنت مارکالی نئفت ین قیمتی دونیا بازار لاریندا یوکسله رک بشکه سی 62 دولار اولوب./قایناق آذرتاج

غربی آذربایجانین مخابرات ایداره سی نین رئیسی:بو ایل استانین باند گئنیشلیگی (پهنای باند) یوزده 150 چوخالیب.

فجر آذربایجان گونده لیگی(روزنامه سی):تبریز ده A , B  آنفولانزا نوع لری  توتان اینسانلاری سایی چوخ آلیب،بو نوع مریض لیق دن 8 نفر آدام اؤلوب.

غربی آذربایجان استانداری نین عمران معاونتی:گون هر بیر آذربایجانلی اوست اوسته 200 لیتر سو ایشله دیر.

زنگان اوستانین مال دارلیق تولیدلرین گئنیش لندیرن ایداره سی نین رئیسی دئییر:زنگان ین اقلیمی و اینسانی منبع لری باعث اولوبدور بو اوستان  "دوه قوشو"(شتر مرغ)بئجرتمک اوچون ان ایستعدادلی یئرلردن بیری اولسون.

+0 به يه ن

 یام نیوز:آذربایجان خاریجی ایشلر ناظری ائلمار محمدیاروو ایله مطبوعات کنفرانسیندا دانیشان ظریف، نقلیات، ترانزیت، تاریم و باشقا ساحه‌لرده ده امکداش‌لیغی گلیشدیرمک ایسته‌دیک‌لرینی سؤیله‌دی و "ایکی‌لی امکداشلیغین یانیندا تورکیه ایله بیرلیکده اوچلو بیر امکداش‌لیق فورماتیمیز وار. بو امکداش‌لیغی روسیا ایله بیرلیکده دؤردلو فورماتا دا چئکه‌بیلریک" دئدی .
ظریف، آذربایجان-‌ارمنیستان چاتیشماسینا و داغ‌لیق قاراباغ پروبلئمینه ده توخونا‌راق، بون‌لاری سؤیله‌دی:
"ایران، بو چاتیشما بؤلگه‌سی ایله سرحد. بیز بؤلگه‌ده ثابت‌لیک ایسته‌ییریک. بوتون قونشولاریمیز بیزیم اوچون اؤنم‌لی. آذربایجان ایسه ان اؤنم‌لی قونشولاریمیزدان بیری. بو اؤلکه‌ده چاتیشما اولماسی بیزی راحاتسیز ائدیر. سورونون اولوسلارآراسی حقوق قورال‌لاری و آذربایجانین تورپاق بوتؤو‌لوگو چرچیوه‌سینده، باریش یولو ایله حل ائدیلمه‌سینی ایسته‌ییریک. چاتیشمانین باشلادیغی ایللرده آذربایجانا یاردیم‌لار ائتمیشدیک. ایندی ده پروبلئمین حلی اوچون بیزه ده رول دوشسه قونشو اؤلکه اولا‌راق کؤمکچی اولماغا حاضیریق. "
آذربایجان خاریجی ایشلر باخانی ائلمار محمدیاروو دا ایران‌لا هم ایکی‌لی، هم ده تورکیه ایله بیرلیکده اوچلو امکداش‌لیغی داوام ائتدیردیک‌لرینی، بیر سونراکی آذربایجان-تورکیه-ایران خاریجی ایشلر باخانلاری گؤروشونون یاخین دؤنمده ایراندا ائدیله‌جیینی ایفاده ائتدی.
محمدیاروو، داغ‌لیق قاراباغ پروبلئمی‌نین حلینه باغلی آپاریلان مذاکیره پروسه‌سی باره‌سینده بونلاری سؤیله‌دی:
"مینسک قروپو ائش باشقانلاری تئز تئز آتیشکس پوزونتولاریندان‌ راحاتسیز اولدوق‌لاری یولودا بیانات یاییملیر. بئله بیانات‌لار یئرینه ارمنیستان‌دان عسگرلرینی گئری چئکمه‌سی طلب ائدیلمه‌لی‌دیر. ارمنی عسگرلرینین آذربایجان تورپاغیندا نه ایشی وار؟ اونلار گئری چئکیلسه آیشکس پوزونتوسو قونوسو دا گوندمده اولمایا‌جاق. چونکو او زامان آتیشکسه ده گرک قالمایا‌جاق و بیز بلریشی ساغلایاجاییق‌"

+0 به يه ن

یام نیوز---27/11/1393

شرقی آذربایجان سو ایداره سی نین رئیسی:تبریزین ایچمه لی سویونون تامینی اوچون آراز چاییندان تبریزه  134 کیلومئترلیک اوزونلوغوندا سو بوروسو چیکیله جک، بو پروژه 94 الی 98 ایل لری آراسیندا ایجرایی اولاجاق./قایناق ایلنا

آمریکا خاریجی ایش لر وزیری:ایران "گونئی قاز کریدور"وندا مشارکت ائتمک حقی یوخدور.بو قاز بوروسو آوروپانین یانجاق امنیت ین تامین ائتمک اوچون باکی دن تورکییه یول ایله ایتالیا و یونانان چکیله جک./قایناق فارس نیوز

 نفت دن عمل گلن 6 محصولون قیمتی 94 –نجی ایل ده باهالشاجاق.

سهمیه بنزینی 700 تومن دن 735 تومن ،آزاد بنزین 1000 تومن دن 1050 تومن قیمت لرینه دگیشه جک،قازوییل ین قیمتی ایسه 365 تومن دن 386 تومنه یوکسله جک./قایناق فارس نیوز

ایرانین یول وزیری سارابلی لارا سؤز وئریب گلن ایلین شهریور آیینا قدر ساراب –اوجا(بوستان آباد)اوتوبانین 24 کیلومتری ایستفاده یه وئریله سین./قایناق فارس نیوز

شرقی آذربایجان صنعت ایداره سی نین رئیسی:اوستانین فرش توخویانلاری اوچون 5 میلیارد تومن تسهیلات نظره آلینیب بو تسیهلات بهمن آی نین آخیریندا پایلاناجاق./قایناق فارس نیوز

غربی آذربایجان باکی ده کئچیریلن توریست سرگی سینه قاتیلاجاق.

 اردبیل شهر شورا سی نین عضو:دؤولت ین اردبیل شهرداری سینه تخصیص وئردیگی 19 میلیارد تومن بودجه دن 11 آیدان سونرا یالنیز 6 میلیارد تومنی وئریلیب./قایناق:فارس نیوز

اردبیل ین ایل کیتاب سئچمه فیستیوالینا 40 کیتاب گلیب.

اردبیل اوستانین مدنیت ایداره سی نی رئیسی دئییر یازیچی لارین ایسفند آینین 15 دک اؤز اثرلرین یولاماق اوچون فرصت لری وار.

بو هفته نین سونونا قدر دؤولت  امک لی لرینین  (بازنشستگان صندوق بازنشتگی ) بایراملیق لاری بانکی حئسابلارینا تؤکوله جک.

+0 به يه ن

یام نیوز یاییر:

ایقنصادی-ایجتماعی خبرلر(1)
تبریز شهر شوراسی نین عضو آقای حاجی زاده: تبریزین  94 نجی بودجه سی کئچن ایله نیسبت آرتمایب.او بودجه نین مبلغ ین 28 مین  میلیارد تومن بیلدیریب. /قایناق:ایلنا

غربی آذربایجان اینتظامی قوه لرینین فرماندهی:بو استاندا توتولان اوغرولارین یوزه 68 ایشسیز دیر. /قایناق:ایلنا

اردبیل اوستانین ثبت ایراه سی نین رئیسی:بو ایل ین کئچن 10 آیندا کئچن ایله نیسبت اردبیلده ائولنمه لرین آماری یوزده 7 آزالیب قارشی سینده بوشانمالارین سایی یوزده 10 آرتیب. /قایناق:ایلنا

خالخال فرمانداری:گلن ایل فیروزآباد-خالخال یولونون آچیلیش ایله اردبیل –تهران مسیری نین سفر زامانی بیر ساعات آزالاجاق. /قایناق:ایلنا

اردبیل اوستانداری:کل ایراندا مدرسه لرین یئنی ایستیتمه سیستم لرینه 325 میلیارد تومن بودجه آیریلیب،بو بودجه دن اردبیل اوستانین سویوق بیر منطقه اولدوغونا باخمایاراق 8 میلیارد تومن پایی اولوب. /قایناق:ایلنا

+0 به يه ن

یام نیوز یاییر:

اورمونون 8 نجی مطبوعات و خبر اورقانلاری فئستیوالی ایشه باشلادی.60 غرفه دن اولوشان بو فئستیوال بهمن آی نین 28 دک ادامه تاپاجاق./قایناق:ایرنا

زنگان شهرینده 8-نجی ائو موبلیمانی و 2-نجی قالی  سرگی سی گئچیریلیر.بو سرگی 27 بهمن دن 1 ایسفند قدر زنگانین کاسپین آدلی سرگی مجموعه سینده کئچیریله جک./قایناق:فارس نوز

زنگان سپاهی  نین فرماندهی دئییر:کئچن ایل بو اورقان  بو استاندا350 کارگاه آچماق ایله 2000 نفره ایش یارادیب.بو کارگاه لار زعفران،گؤبلک،پتک چی لیک ،مالدارلیق ساحه سینده اولوب./قایناق فارس نیوز

اردبیل ین بازرگانی ایداره سی نین رئیسی دئییر بو اوستانین صادرات ین یوزه 80 یئرآلمادیر.بو استانین اکینچی لیک ایداره سی نین رئیسی دئییر یئرآلما نین یالنیز یوزه 6 سی ساغلام انبارلاردا ساخلانیلیر./قایناق: ایرنا

آذربایجان جمهوروسوندا  یانوار آییندا اهالی‌نین گلیرلری 2014-جۆ ایلین عینی دؤورو ایله مۆقاییسه‌ده 5،5 فایز آرتاراق 2،7 میلیارد مانات تشکیل ائدیب، اوْنون هر نفره دۆشن حجمی اوْرتا حسابلا 282،9 مانات اوْلوب./قایناق آذرتاج

آذربایجاندا فعالیت گؤسترن تورکییه‌نین چوخ سئویلن اوپئرا موغننیسی اویا ائرگون 8 مارت-بین المللی قادینلار گونو موناسیبتیله باکی ده کونسئرت وئرجک. /قایناق آذرتاج

شامیل علییئوین “چؤلچو” فیلمی هیندیستاندا کئچیریلن ایکی  نویدا بئین المللی  فیلم فئستیوالیندا “ان یاخشی یؤنتمن ” جایزه سین آلیب./قایناق آذرتاج

تبریزلی خواننده یعقوب ظوروفچو اوزئییر حاجیبیلییه حصر ائتدیگی “اتحاف” آدلی آلبومون تقدیم ائدیب. سیمفونیک اورکئسترین ایشتراک  ایله لوس-آنجئلئسده لئنته آلینان دیسکده 16 اثر توپلانیب./قایناق :آذرتاج

+0 به يه ن

یام نیوزون خبر یاییر:غربی آذربایجان ین پزشکی قانونوسونون دانیشمانی:بو ایل  اوستاندا  55نفر برق توتماق و یانماق اثرینده  اؤلوب او آرتیر دی بو ایل سویوق سلاح ایله اؤلدورولنلرینده سایی کئچن ایله نیسبت یوزه 22 آرتیم ایله 35 نفره چاتیت ./

+0 به يه ن

یام نیوزون خبر یاییر:جان آلتیندا اولان تبریزلی بیر جانباز تبریز ده کبد پیوندین یولا سالماق اوچون بهداشت وزیریندن 4 میلیارد تومن بودجه آلیب.تبریز ده بو بؤلوم یوخدور و مریض لر مجبوردورلار درمان اوچون شیراز شهرینه سفر ائتسینلر.بو جانبازین اؤزونون کبد مریض لیغی وار./