+0 به يه ن

یام نیوزون خبر یاییر:شرقی آذربایجانین اینترنت پولیسی دئییر بیر نفر کافی نت لرین بیرینده "کیلاگر"آدلی یازیلیم (نرم افزار) نصبی زامانی یاخلانیب،بو یازیلیم جاسوسی بیر یازیلیم دیر و اورادان قولانیلان اینسانلارین ایطلاعات لارین بللی بیر ایمیله گؤندریر.بو مقام آرتیریب کی یاخلانان جاسوس تبریزین بوتون کافی نت لرینده بو یازیلیمی نصب ائتمک ایستیردی./

+0 به يه ن

یام نیوزون خبر یاییر:ایرنین یول ، ائو و شهر سالدیرن وزارتی نین آمارینا گؤره ایراندا سیرا ایله تهران،مشهد،ایصفهان،تبریز ،شیراز شهرلریندا ائو هر یئردن باهادیر دیر.و ان اوجوزلو شهرلرده بیرجند،بجنورد،شهرکرد،ایلام و یاسوج دور.متوسط حالدا تهراندا آپارتمانین متری4 میلیون 1325 مین تومن و بیرجند ده 999 مین 300 تومن دیر./

+0 به يه ن

غربی آذربایجان مرزبانون اطلاعات معاونی دئدی بو ایل 124 نفر خارجی آذربایجان غربی مرز لریندا توتوق له نیب.

یام نیوز : فارس اگنت یندن آلدیغی خبره گوره :احمد محمد زاده بوگون دئدی غربی آذربایجان  ژندارم لری انسان قاچاق لیقن قاباغین آلماخ اوچون بیر محسوس و نامحسوس عملیات لرینن 124 نفر خارجی  توتوق له نیب.

+0 به يه ن

یام نیوزون فارس خبر آگئنت یندن آلدیغی خبره گؤره دی آی نین 20 سینده ایکی دؤرد نفرلیک عتیقه قاچاقچی سی یاخلانیبدیر.یاخلانانلاردان عتیقه وسایلی،دمیر تاپان دستگاه و یئرسؤکمک وسایل لری اله گلیب دیر.

ورزیقان اینظامی قوه سی نین رئیسی توحید فارسی نین دئدیگینه گؤره بو شهرستانین یوخلاییجی لاری بیر دستگاه آردی مدل آرابایا مظنون اولاندان سونرا اونو آختارماق اوچون دایاندیریبلار و پلیس لری بو آرابا نی آختاران زامان بیر قدیمی سیکه نئچه پارچا عتیقه ساخسی قاب و بویون باغی و بیر آز قبیر توپراغی اله گلیب دیر .آیری بیر عملییات دا دا دؤرد نفر بو شهرستانین کندلری نین بیرینده دمیر تاپان دستگاه لاری ایله یئر قازان زامان یاخلانیبلار.

آقای فارسی آرتیر دی بو آداملار اله گلن وسایل لر ایله قضاییه قوه لری نین مسول لارینا تحویل وئریلدی.

+0 به يه ن

یام نیوزون فارس خبرلیگ یندن آلدیغی خبره گؤره بو ایل ین کئچن 9 آییندا شرقی آذربایجان جاده لرینده باش وئرن ماشین تصادف لری اثرینده 570 نفر آدام اؤلوبدور.

آرتیرمالییق 1392 نجی ایلده استان یول لاریندا 824 نفر آدام جانینی ایترمیشدی.

+0 به يه ن

یام نیوزون ایرانا دان آلدیغی خبره گؤره دی آی نین 20 سینده ایران مجلیسی نین باشچی سی نین ایشتراک ایله اورومو دا قورولان غربی آذربایجانین اداری شوراسیندا بو شهرین ایمام جمعه سی بو استانین بوتون آلت یاپی لاردا سرمایه یاتیرتماغا نیازی اولماغیندان سؤز آچدی.

سید مهدی قریشی ارومو- ماراغا دمیر یولونون اون ایل دن آرتیق زامان بویوندا حاضیر اولماماسین دئیرکن آرتیردی تاسف ایله بیر حالدا کی اؤلکه اوستانلاری آراسیندا گئنیشلنمه و اینکشاف یارییشی قویولوب امما بو استان اساسی بودجه لردن محروم دور.

+0 به يه ن

یام نیوزون ایلینا خبرلیگ یندن آلدیغی خبره گؤره تبریز ین پئیکان یوک ماشینی دوزلدن کارخانا دا یئنی یو پی وان آدلی یوک ماشینی تولید اولاجاق.

تبریز اسران خودروسونون مدیر عاملی مهندس صادقیان بو دانیشیق دا آرتیردی بو ایل تبریز ده 67 مین دنه پئیکان وانت تولید اولونوب بیر حالدا کی کئچن ایل بو واخت 36 مین دن تولید اولموشدو او بو شیرکت ین تولید آرتیم ین یوزده 186 بیلدیریب آرتیردی چالیشاجاغیق نمومه اوچون بو ایلین آخریناجان 5 مین دنه ده یو پی وان ماشینی تولید ائدک.

+0 به يه ن

بیر حالدا کی دؤولت 94 نجی ایل ین بودجه سین تصویب اوچون مجلس وئریب و بوتون استاندارلار و مجلیس نماینده لری استانلاری نین بودجه سین آرتیرماقدان اؤترو دارتیشیرلار ،شرقی آذربایجان علیرغم بوکی بودجه کئچن ایله نیسبت آزآلیب امما مسول لار اؤزلرین او کوچه یه وورمورلار و حتی بودجه نین نه قدر آزآلماسیندان دا بحث ائتمیرلر و بودجه باره سینده ائشییه چیخان سؤز بودورکی مرند جلفا نماینده سی استان نین شورا سیندا دئییب کرمان استانین بیر شهری نین بودجه سی کل شرقی آذربایجانین بودجه سیندن چوخدو.سیز کئچن هفته عرض ینده شرقی آذربایجان مسول لریندن عمومی رسانه لرده یاییلدیغی خبرلری اوخورسونوز:

جبارزاده فرماندارلار توصیه ائله دی شهرستانلاریزا میللی طرح لر آماده ائدین گلین ایل یوخ آلتداکی ایل بودجه نیز چوخ آلسین.

تبریز شهرداری سی سطحی سولاری کنترل ائتمک ایله هر ثانیه ده 5 متر مکعی اورمو گؤلونه سو گؤندره بیلر.

مردم ایطلا وئرمک اوچون بودجه یه نیازمیز وار.

گزینیش لرده ایستخدامی پرونده لره گرک آرتیق دقت اولونا.

کارمندلری گرک اؤز باشلارینا اؤتورمه یک.

قاباق کی دؤولت دن قالان مشکل لر گرک ایلین آخرینه قدر ساهمانا سالینا.

مسول لار گرک نماز واختینده جلسه قویماسینلار.

+0 به يه ن

یام نیوزون ایصفاهان استانداری سی نین رسمی سیته سیندن آلدیغی خبره گؤره بو استان ین استانداری دئییر ایصفاهان استانین بودجه سی 94 ایل ده 12 مین میلیارد اولاجاق بیر حالداکی بو بودجه 93 ایل ده 8500 میلیارد ریال ایدی.

رسول زرگرپور دئییر بو استان ین 19 مجلیس نماینده سی نین بو بودجه نین پیشنهادیندا بؤیوک نقش لری واریدی او آرتیردی بیز نماینده لردن ایستیریک کی خصوصی بخش دن حمایت ائتمک اوچون بو استاندان آلینانان مالیات لار آز آلسین .زرگرپور زاینده رود چای ینا سو گتیرن کانالا ایشاره ائدیب دئدی نماینده لردن ایستیریک بو پروژه نین بودجه سین 2000 میلیاردا قدر اوسته آپارسینلار و مدیریت ینده استان اداره لرینه محول ائله سینلر.

زرگرپور بو تئزلیک ده روحانی نین بو استانا سفریندن سؤز آچیب دئدی بو یاخین لیق دا رئیس جمهور ایصفاهانا سفر ائدجک.ایصفاهان استانداری دئدی ایندی لیک ده استانین مازاد گلیری اولاندا یاریسی استانا وئریلیر بیز دؤولت دن ایستیریک کی بو بودجه نین هامیسی استانا قایتاریلسین.

+0 به يه ن

یام نیوز فارس خبرلیگ یندن آلدیغی خبره گؤره دی آی نین 14 ده تبریزین شهر شوراسی نین جلسه سینده دانیشان شیاری شرقی آذربایجان بودجه سی نین آز آلماسینا اعتراض ائدرک دئدی اییر نفت ین اوجوزلاشمگی استانی بودجه لرین آزالماسی دیر نییه بو ایش فقط شرقی آذربایجاندا اتفاق دوشور.

94 نجی ایل ین بودجه سینده استانین میللی پروژه لرینه اوجمله دن تبریز میانه دمیر یولو-تبریز بازرگان جاده سی و مرند جلفا یولونا بودجه آیریلمیب دیر.

رسمی شکیلده بو استانین بودجه سی نین نه قدر آزآلماسی استان مسول لاری وریندن اعلام اولماییب دیر. امما مرند و جلفا جاماعاتی نین مجلیس ده کی وکیل کئچن گون دئییب کی کرمان ین بیر شهری نین بودجه سی کل شرقی آذربایجانین بودجه سیندن چوخ دور.