+0 به يه ن

غربی آذربایجان مرزبانون اطلاعات معاونی دئدی بو ایل 124 نفر خارجی آذربایجان غربی مرز لریندا توتوق له نیب.

یام نیوز : فارس اگنت یندن آلدیغی خبره گوره :احمد محمد زاده بوگون دئدی غربی آذربایجان  ژندارم لری انسان قاچاق لیقن قاباغین آلماخ اوچون بیر محسوس و نامحسوس عملیات لرینن 124 نفر خارجی  توتوق له نیب.

+0 به يه ن

یام نیوزون فارس خبر آگئنت یندن آلدیغی خبره گؤره دی آی نین 20 سینده ایکی دؤرد نفرلیک عتیقه قاچاقچی سی یاخلانیبدیر.یاخلانانلاردان عتیقه وسایلی،دمیر تاپان دستگاه و یئرسؤکمک وسایل لری اله گلیب دیر.

ورزیقان اینظامی قوه سی نین رئیسی توحید فارسی نین دئدیگینه گؤره بو شهرستانین یوخلاییجی لاری بیر دستگاه آردی مدل آرابایا مظنون اولاندان سونرا اونو آختارماق اوچون دایاندیریبلار و پلیس لری بو آرابا نی آختاران زامان بیر قدیمی سیکه نئچه پارچا عتیقه ساخسی قاب و بویون باغی و بیر آز قبیر توپراغی اله گلیب دیر .آیری بیر عملییات دا دا دؤرد نفر بو شهرستانین کندلری نین بیرینده دمیر تاپان دستگاه لاری ایله یئر قازان زامان یاخلانیبلار.

آقای فارسی آرتیر دی بو آداملار اله گلن وسایل لر ایله قضاییه قوه لری نین مسول لارینا تحویل وئریلدی.

+0 به يه ن

یام نیوزون فارس خبرلیگ یندن آلدیغی خبره گؤره بو ایل ین کئچن 9 آییندا شرقی آذربایجان جاده لرینده باش وئرن ماشین تصادف لری اثرینده 570 نفر آدام اؤلوبدور.

آرتیرمالییق 1392 نجی ایلده استان یول لاریندا 824 نفر آدام جانینی ایترمیشدی.

+0 به يه ن

یام نیوزون ایرانا دان آلدیغی خبره گؤره دی آی نین 20 سینده ایران مجلیسی نین باشچی سی نین ایشتراک ایله اورومو دا قورولان غربی آذربایجانین اداری شوراسیندا بو شهرین ایمام جمعه سی بو استانین بوتون آلت یاپی لاردا سرمایه یاتیرتماغا نیازی اولماغیندان سؤز آچدی.

سید مهدی قریشی ارومو- ماراغا دمیر یولونون اون ایل دن آرتیق زامان بویوندا حاضیر اولماماسین دئیرکن آرتیردی تاسف ایله بیر حالدا کی اؤلکه اوستانلاری آراسیندا گئنیشلنمه و اینکشاف یارییشی قویولوب امما بو استان اساسی بودجه لردن محروم دور.

+0 به يه ن

یام نیوزون ایلینا خبرلیگ یندن آلدیغی خبره گؤره تبریز ین پئیکان یوک ماشینی دوزلدن کارخانا دا یئنی یو پی وان آدلی یوک ماشینی تولید اولاجاق.

تبریز اسران خودروسونون مدیر عاملی مهندس صادقیان بو دانیشیق دا آرتیردی بو ایل تبریز ده 67 مین دنه پئیکان وانت تولید اولونوب بیر حالدا کی کئچن ایل بو واخت 36 مین دن تولید اولموشدو او بو شیرکت ین تولید آرتیم ین یوزده 186 بیلدیریب آرتیردی چالیشاجاغیق نمومه اوچون بو ایلین آخریناجان 5 مین دنه ده یو پی وان ماشینی تولید ائدک.

+0 به يه ن

آذربایجانین تانمیش خواننده سی رحیم شهریاری دی آی نین 29 و 30 ده تبریز ین پئتروشیمی سالونوندا کونسئرت وئرجک

یام نیوز:آراز گروهونا باشچی لیق ائدن رحیم شهریاری نین بو کونسئرت ده آذربایجانین تانیمیش خواننده سی خواننده سی حبیب اکبر پورون دا ایشتراکی اولاجاق.

بو کونسئرت ین بلیط لری ایندی دن تبریزین موسیقی بلبطی ساتان مرکزلریندن و اینترنتی www.ebilit.com سایت ینده ساتیلیر.

+0 به يه ن

یام نیوز: 18 دی ده عاشیق چنگیز مهدی پور تبریزین پتروشیمی سالونودا کئچیریلن کونسئرت ده ایشتراک ائدن تبریز فرمانداری ینا خوش گلدین ائدندن سونرا دؤولت ین آذربایجانین عاشیق موسیقی سینه نیبت ماراغینین آرتیرماسین ایسته ییب و بو دورومون حفظ ایله عاشیق موسیقی سی نین حذف اولماق خطریندن دانیشدی.

دی آی نین 17،18 و 19 گونلرینده ایکی سییانس ده تبریزین پتروشیمی سالونوندا آذربایجانین دونیا شهرتلی دالغا موسیقی قوروپو بولاق آدلی کونسئرت ایله عاشیق چنگیز مهدی پورون باشچی لیق ایله کئچیریلدی.عاشیق چنگیزین مدرن عاشیق قروپوندا قوپوز ایله یاناشی باشقا مدرن سازلرده چالیندی .

کونسئرت یوکسک کیفیت ینه باخمایاراق بو کونسئرت دن سرین ایستقبال اولونموشدو.

+0 به يه ن

یام نیوزون تئرند خبرلیگ یندن آلدیغی معلوماتا گؤره پاکیستان جمهور باشقانی ممنون حسینین آذربایجانا رسمی سفری زامانی یوکسک سویه‌ده آپاریلاجاق دانیشیقلارین اساس مؤوضوسو اقتصادی امکداشلیغین پیشرفتی  اولاجاق.

اونون سؤزلرینه گؤره، سفر ایسفند آیینا پلانلاشدیریلیب. حاضردا هر ایکی اؤلکه‌نین حؤکومتلرینده یوکسک سویه‌لی صفره حاضرلیق گئدیر. پاکیستان جمهورباشقانی ‌نین سفری زامانی ایمضالاناجاق سازیشلر پاکئتی حاضرلانیر. سازیش اقتصادی ساحه‌‌ده ایکی اؤلکه‌نین امکداشلیغی‌نین بیر سیرا ساحه‌‌لرینی احاطه‌‌ ائده‌جک.

منبع‌ آرتیریب  کی، طرفلر اقتصادی امکداشلیغین سویه‌سینی داها دا یوکسلتمک نیتینده‌دیرلر.

+0 به يه ن

یام نیوز:تبریزین شکری گالری سینده اعظم فلاح ین سرامیکی مجسمه لری دی آی نین 16 سیندن 21 دک سرگی له نیبدیر.

شکری گالری سی تیریزین ولیعصر محله سی نین رودکی فلکه سینده یئرله شیب دیر.

+0 به يه ن

یام نیوز:اورمو شهرداری نین والیبال تیمی سعید مروفون بو تیم دن آیریلاندان سونرا والریو میلیور آدلی ایتالیالی بیر پاسور گتیریر،آرتیرمالییق بو تیم ایرانین سوپرلیگ رقابت لرینده جدول ین صدرینده یئرله شیر