+0 به يه ن

یام نیوزون آذرتاج  آگئنت یندن آلدیغی معلوماتا گؤره میللی و خاریجی فیلملرین تقدیماتلاری‌نین بیر نؤمره‌لی مکانی اوْلان نظامی فیلیم ْ مرکزینده دی آینین بیرینده  “هادی اینشاللاه” فیلمی‌نین قالا – گئجه‌سی کئچیریلیب. راپورتاژا گؤره کارگردان علی تانئر بالتاجی‌نین لئنته آلدیغی بۇ روْمانتیک کوْمئدییا، پۇججا آدلی قێزین حیاتیندان بحث ائدیر. دؤرد ایل آنکارادا برابر اوْلدوغو سئوگیلیسیندن آیریلان پۇججا، ایزمیره عائله‌سی‌نین یانینا قاییدیر. گلمه‌ین تلفوْن زنگلرینی گؤزله‌یرکن اؤزونه و ائوه قاپانان گنج قادین چتین آیریلیق یاشاماقدادیر. عائله‌‌سی اوْنو بۇ وضعیتدن چێخارماق اۆچون مجبوری یئرلی تیلویزیون کاناللارین  بیرینه ایش گؤروشونه گؤندریر. ایسته‌مه‌دن گئتدیگی مکاندا یاراشیقلی “پئکمئز” لقبلی اوْغلانلا قارشیلاشان پۇججانین حیاتینا یئنی گۆن دوْغور.قالا–گئجه‌سینده باش قهرمانلاری جانلاندیران اویونچو لار  مۇراد بوْز، بۆشرا پئکین و فیلمین یارادیجی قروپونون دیگر عضولری ایشتیراک ائدیبلر. فیلمی ایزله‌دیکدن سوْنرا مئدیا اۆچون مطبوعات کوْنفرانسی کئچیریلیب.کوْنفرانسدا مۇراد بوْز، بۆشرا پئکین و آلی تانئر بالتاجی ایشتیراک ائدیب.قوْناقلار آذربایجانلی تاماشاچیلارا اوْنلارا گؤستردیکلری دقته گؤره تشککور ائدیبلر.سوْنرا ژۇرنالیستلرین سۇاللاری جاوابلاندیریلیب.

+0 به يه ن

یام نیوزون آزادلیق سیته سیندن یاییدیغی خبره گؤره بو مملکت ین اینترنتی دی آی نین ایکی سیندن تامام ایله قطع اولوب ، دؤولت  بو ایش ده آمریکانی  گوناهکار ساییر.

کئچن گونلرده سونی پیکچر شرکت ینه سایبری حمله دن سونرا آمریکا جمهور باشقانی آچیقجا سینا قوزئی کره نی بو ایشیندن قییناییب و اونون عوض سیز اولمادیغینی دیله گتیردیگیندن ایکی گون سونرا بو اؤلکه نین اینترنتی تامام ایله قطع اولونوب.قوزئی کوره سونی شرکتینه اولان سایبری حمله ده اؤزون گوناهسیز بیلیب و آمئریکادان اونلارا آتیلان بو تهمته گؤره ناراحت دیر.کوره دئییر بیر اورتاق تحقیقی قوروپدا بو ایشین ایثبات لانماسینا حاضیردی.بو دؤولت اوبامانین کوره قارشی حربه ضوربه سیندن سونرا سس سیز قالماییب بو اؤلکه نین بیر میلیون ایکی یوز نفرلیک قوشونون بوتون سلاح لر ایله آمئریکایا حمله ائلمکده آماده اولدوغوندان دانیشدی.

+0 به يه ن

یام نیوزون ایرنا خبر آگئنت یندن آلدیغی خبره  گؤره ایراندا افغانلی لار 9 استاندا اوجمله دن شرقی آذربایجان،اردبیل و زنگان استانلاریندا یوردلاشماق (اقامت) حق لری یوخدور.ایرانین داخلی ایشلر وزیری نین خاریجی وطنداشلار مسولو ایرنایا وئردیگی مصاحیبه ده آرتیریب کی تئزلیکده بو استانلارین سایی چوخ آلاجاق.بو ممنوع استانلار ایچینده غربی آذربایجان یوخدور.

آرتیرمالییق ایش اوچون ایرانا مهاجرت ائدن افغانلی لار ذاتا شرقی آذربایجان،اردبیل و زنگان استانلارینا دا اولان ایشسیزلیک لره گؤره هئچ بیر زامان کؤچمه ییبلر.

+0 به يه ن

 يام نيوز:اورمو گؤلونون قوروما بحراني و قوروماسيندان يارانان اطراف محيط بحران لاري آرادان قالديرماق اوچون دؤولت ين اورمو گؤلو كوميته سي تحقيقاتي مركزين تهران ين صنعتي شريف يونيوئرسيته سينده تاسيس ائتدي 600 نفرليك امك داش ايله ايشه باشلايان بو مركزده شرقي و غربي آذربايجان باش وئرن مسله لر مطالعه اولونوب و دؤولته ايجرا اوچون طرح لر آماده ائدجك.شرقي و غربي آذربايجان اوستانلاري چوخ ماراقليديلاركي بو مركز گرك بو استانلارين بيرينده خصوصا تبريز دانشگاه يندا تاسيس اولونا. امما نهايت ده اورمو گؤلونون دؤولت كوميته سي نين صدري دوقتور كلانتري بو مركزين تهراندا تاسيس اولماسين اعلام ائديب و آذربايجان دانشگاه لاريندان ايسته دي كي بو مركز ايله امك داشليق ائله سينلر.

+0 به يه ن

يام نيوز آزادليق سيته سينه داياناراق خبر وئرير كي آبو-دابيده نئفت فوْروموندا دانيشان سوديه عربيستانين نئفت وزيري آلي آل-نايمي قييمتلرين دۆشمه‌سينه سبب اوپگه  عضوو اوْلمايان نئفت توليدچي لر طرفيندن امكداشليغين اوْلماماسيني گؤستريب.  

اوْ دئييب كي، “اوْپك -دن كنار توليد چي لر بيلمه ليدير كي، قييمتين دۆشمه‌مه‌سي اۆچون امكداشليق چوْخ واجيبدير”.  وزير شيمالي آمئريكاداكي شيل قازي و نئفت توليدلرينه  آيدين ايشاره ائديب كي، “اوْنلارباها باشا گلن بۇ توليدلريني  آرتيرا بيلمه‌يه‌جكلر”.    

آل-نايمي نئفتين قييمتي‌نين دۆشمه‌يينه ديگر سببلر كيمي بازاردا دللال لار  و يانليش ايطلاعات لاري  گؤستريب.  وزير  سعوديه عربيستاني‌نين سيياسي اوْيونلارا گئديب نئفتين قييمتيني قصداً سالماسيني ايسه قطعيتله اينكار ائدير.  

اوْ دئييب كي، “بعضي تحليللر و مقاله‌لر سعوديوييه عربيستاني‌نين بۇ و يا باشقا اؤلكه‌يه قارشي نئفتين قييمتيني سالماق اۆچون سيياسي اوْيونا گئتديگيني ادعا ائدير. بۇ، اساسسيزدير”.  

مئديادا سسلنن احتيماللاردا نئفتين قييمتي‌نين آشاغي سالينماسي‌نين رۇسييايا و ايرانا قارشي اوْيون اوْلدوغو و سعوديه‌نين بۇنا دستك وئرديگي ادعا اوْلونور.  آل-نايمي دئييب كي، سعوديه شاهليغي ‌نين سياستي صيرف اقتصادياتا اساسلانير. اوْنون سؤزلرينه گؤره، نئفتين قييمتي‌نين دۆشمه‌سي عرب اؤلكلري ‌نين اؤزلرينه ده زياندير.  نئفتين قييمتي بو ايل يوزه  50  دۆشوب.

+0 به يه ن

يام نيوز شهريار خبر آگئنت يندن آلديغي خبره گؤره خبر ياييركي تبريز و آذربايجان ين بؤيوك فوتبالچي سي كريم باقري بو شهرده فوتبال يئنتك لرين تاپپب يئتيشديرمك نييت ايله بين المللي فوتبال يئتنك لرين كشف ائتمه اوجاقي ياردادير.

بو گون شرقي آذربايجان ايدمان(ورزش) ابداره سي نين رئيس ايله گؤروشن كريم باقري بو ايداره نين الي نين آلتيندا بو اوجاغي قورماق اوچون اؤز آماده ليغي بيلديريب دئدي شرقي آذربايجان ين بو موضوع دا چوخلو يئتنك لره صاحيب دير.

+0 به يه ن

يام نيوزون فارس خبر آگئنت يندن آلديغي خبره گؤره  رۇسييادان بير سلاحيتلي دؤولت آدامي، اؤلكه‌سي‌نين ايراندان 2015 ژانويه  آييندان اعتباراً غذايي  مادده‌لري واريدات ينا  باشلاياجاغيني آچيقلادي. 

رۇسييا مواد غذايي  و تاخيل ساغلامليغي تشكيلاتي نۇماينده‌‌سي آلئكسي آلئكسينكوْ، موْسكوا رهبرليگي 2015 يانوار آييندان اعتباراً ايراندان غذا  مادده‌لري واريداتينا باشلاياجاغيني آچيقلادي. 

بير مدت اول ايراني زيارت ائتديكدن سوْنرا اؤلكه‌سينه دؤنن رۇس سلاحيتلي آلئكسينكوْ، تهراندا ايرانلي ايش آداملاري و حؤكومت نۇماينده‌‌لري ايله گؤروشدوكلريني و بۇ مظموندا لازيملي هماهنگي ليك لري ائتديكلريني قئيد ائتدي. 

آلئكسينكوْ، ايرانين سۆد محصوللاري كيمي محصوللاري رۇسييا طرفيندن وارد  ائديله بيله‌جك كئيفيتده اوْلدوغوندان امين اوْلدوقلاريني ايفاده ائتدي. 

آلئكسينكوْ آيريجا سۆد محصوللاريندان باشقا باليق، دنيز محصوللاري، تروز(يئمه لي گؤي) و مئيوه ده ايراندان رۇسييايا صادر  ائديله بيله‌جك محصوللارين آراسيندا ايشتيراك ائتديگيني وۇرغولادي.

+0 به يه ن

يام نيوزون  بي بي سي خبر آگئنت يندن آلديغي خبره گؤره هر ايل چوْخ سايدا تاجيك قادين باكيره‌ليگين طيببي معايينه ‌سيندن كئچمك اۆچون خۆصوصي ايداره‌لره باش چكير.

قادينلار قێزليق پرده‌سي‌نين تيكمه  عملياتينا مۇراجعت ائديرلر. بئله عملياتين قييمتي 200-350 دوْللاردير.

بير چوْخ قادينلار بئله آغريلي عملياتلارا بدنام اوْلماق قوْرخوسوندان گئديرلر. لاكين اكثريت اؤز عائله‌‌سيني قوْنشو و قوْهوملارين اتهاملارينا هدف ائده‌جه‌ييندن چكينير. عنعنه‌‌وي جمعيتده اجتماعي راي هله ده بؤيوك نۆفوذا ماليكدير.

تاجيكيستاندا باكيرليين نيكاحا قدر قوْرونوب ساخلانماسي ازدواج ين  ان واجيب شرطلريندن ساييلير. باكيره‌ليك علامتلري‌نين اوْلماماسي ائله توْيون سحري گۆنو ائولننلرين بوْشانماسينا سبب اوْلا بيلر. بئله حاللاردا قادينلار و اوْنلارين عائله‌‌لري اۆچون جدي پروْبلئملر يارانير.

19 ياشلي قۇلنوْراني دؤولتي قانونو دوقتورلر مركزينه  اري و قاييناتاسي گتيريب. اۆچ گۆن بۇندان اول اوْنون و 27 ياشلي ارينين توْيلاري اوْلوب.

تزه بي و قوْهوملاري زيفاف گئجه‌سينده باكيره‌ليك علامتلري آشكار ائديلمه‌ديگينه گؤره بۇ ايداره‌يه مۇراجعت ائديبلر. داها دوْغروسو، گنج ار، آروادي‌نين خيانت ائتديگيندن شۆبهه‌له‌نيب.

“آرواديملا من قوْهوموق. اوْنو منه قوْهوملاريم تاپيبلار. من هئچ ايسته‌مزديم كي، بۇنا گؤره عائله‌‌لريميز آراسينداكي مۆناسيبتلر پوْزولسون. قوْي دوقتورلر  باخسينلار، اگر معصومدورسا، من عائله‌‌مي ساخلاياجاغام. يوْخ، اگر اوْنون قێزليغي منه قدر پوْزولوبسا، اوْنو آتا آنا سينا  قايتاراجاغام. بئله‌ده داها عدالتلي اوْلار. آرواديمين قوْهوملاري دا مندن اينجيمزلر” – ار دئيير .

+0 به يه ن

يام نيوز شهريار خبر آگئنت ينه داياناراق خبر وئريركي تبريزين كئچميش ده مشهور فوتبالچي سي سيروس دين محمدي دئييب تبريز شهرداري فوتبال تيم ينده اولان ايمكانات لار ايله بو تيم ين باش مربي ليگين اليمه آلسام بو تيمي برتر ليگه آپارا بيلرم.او آرتيريب من عؤمرومون لاپ ياخش ايل لريندن يئددي ايل ين تبريزين تيراختور و شهرداري تيم ينده توپ اويناميشام و حتي شهرداري تيم يندن ايرانين ميللي فوتبال تيم ينه يول تاپمشام اونا گؤره اؤزه دينيم بو شهرين فوتبالينا ادا ائمك اوچون فرصت آختاريرام.اونون دئدگينه گؤره اونون ايرانين ميللي اؤيرنجي لر تيم نين مربي ليك ايله شهرداري مربي ليگ آراسيندا هئچ بير كونتاكت يارانماز.

سيروس دين محمدي فوتبال ين تبريزين تيراختور سازي تيم يندن باشلاييب 1371 ده بو تيم ايله ايراندا اوچونجو اولوبلار سونرا شهرداري ،ايستقلال تيم لرينده اويناييب اوردان آلمانين ماينس تيم ينه گئديب و سونرا يئني ده باشگاهي اويونلارين تهران ين ايستقلال و رشت ين پگاه تيم ينده ادامه وئرديريب دير.او ايندي ليك ده تهران ين يئني يئتمه لر تيم نين باش مربي سي دير.و شهرداري نين باش مربي سي اولماق اوچون اؤز آماده ليگين بيلديريب.

+0 به يه ن

 يام نيوزون فارس خبر آگئنت يندن آلديغي خبره گؤره نقده شهرستانين بو گونكو ايداري شوراسيندا بو شهر ده مهم تاريخي تپه لردن اولان قالاباشيندا توريست لري جذبي اوچون يئني ايش لر گؤرولمك اوچون بحث لر اولوب و تصميم لر توتولدو.

بو شهرين فرمانداري مرتضي فرامرزي دئدي تاسف ايله مملكت ين مهم تاريخي آبيده لريندن اولان بو تپه نئچه دفعه لر عتيقه قاچاقچي لر وريندن چاپيليبدي.اونون دئديگينه گؤره توريست لرينه بو تپه ماراقلارينا گؤره گرك دير بو تپه يه اورقانلارين و مسول دستگاهلاريندا ماراغي آرتا.