+0 به يه ن
دونیا نین
لاپ بؤیوک نئفت شیرکتی بپ شیرکتی ایله آذربایجان حؤکومتی آراسیندا حاصیلاتین پای
بؤلگوسونه دایر یئنی سند ایمضالانیب.
یام نیوزون
ترئند خبر آگئنت یندن آلدیغی معلوماتا گؤره ، سند 30 ایل مدتی احاطه ائدیر.
سند آبشئروْن
یاریم آداسی‌نین دایاز سۇلو حیصه‌‌سینده گئوْلوْژی(یئر تانیما) کشفیات ایشلری‌نین
آپاریلماسی ایله باغلیدیر.
آردنش-نین
یایدیغی معلوماتدا دئییلیر کی، دی آی نین بیرینده آذربایجان جمهوروسو دؤولت نئفت شیرکتی (سوْکار) و بپ آراسیندا خزر
دنیزی‌نین آذربایجان بؤلومونده ، آبشئروْن یاریم آداسی‌نین اطرافینداکی دایاز سۇلو
ساحه‌‌ده یئرلشن پوْتئنسیال پئرسپئکتیو ستروکتورلاردا بیرگه گئوْلوْژی کشفیات
ایشلری‌نین آپاریلماسی و ایشلنمه‌سی حاقیندا حاصیلاتین پای بؤلگوسو سازیشی ایمضالانیب.
بۇنونلا
علاقه دار یاییلمیش بیرگه پرئسس-رئلیزده بیلدیریلیر کی، یئنی سازیش آذربایجان
حؤکومتی‌نین خزرین میللی حوزه سینده کی بۆتون دنیز اراضیلری‌نین تام تدقیق اوْلونماسی
ایله باغلی پلانی‌نین بیر حیصه‌‌سیدیر. سازیشی آذربایجان حؤکومتی آدیندان
آذربایجان جمهوروسو دؤولت نئفت شیرکتی‌نین
رهبری رؤونق عبداللهیئو و بپ شیرکتی‌نین
آذربایجان، گۆرجوستان و تۆرکییه اۆزره منطقه ای رهبری قوْردوْن بیررئلل ایمضالاییبلار.
بپ-نین
یایدیغی معلوماتدا ایسه قئید اوْلونور کی، سازیشین احاطه ساحه‌‌سی آبشئروْن
یاریم آداسی‌نین جنوب حیصه‌‌سینه دوْغرو خزر حؤوزه‌‌سی‌نین حۆدودلاری بوْیونجا
اۇزانیر. بۇ ساحه‌‌یه سۇیون درینلیگی 40 مئتره‌دک، پوْتئنسیال محصولدار لایین
(کوْللئکتوْرون) درینلیگی ایسه 3000-5000 مئتر اوْلان اراضیلر داخیلدیر.
آذربایجان جمهوروسونون
دؤولت نئفت شیرکتی‌نین رهبری ر.عبداللهیئو بیلدیریب: “بپ ایله طرفداشلیغیمیزی
داها دا درینلشدیره‌جک بۇ یئنی سازیشین ایمضالانماسی ایشتیراکچی طرفلر – آذربایجان
حؤکومتی، سوْکار و بپ اۆچون علامتدار حادثه‌‌دیر. بۇنونلا امکداشلیغیمیزین یئنی
مرحله‌‌سی باشلانیر. بۇ مرحله بیزه ایمکان وئره‌جک کی، یئنی ایمکانلار آراماقلا
آذربایجاندا نئفت و قاز حاصیلاتینا اۇزونموددتلی گله‌جک تامین ائتمک اۆچون بیرگه
ایشله‌یک. بۇ یئنی ایمکان آذربایجاندا نئفت حاصیلاتی‌نین بۇندان سوْنرا دا اوْن
ایللرله داوام ائتمه‌سینه تؤهفه وئره‌جک”.
بپ شیرکتی‌نین
آذربایجان، گۆرجوستان و تۆرکییه اوزره منطقه رهبری ق.بیررئلل دئییب: “بپ شیرکتی سوْکار ایله
بیرلیکده خزرده گئوْلوْژی کشفیات ایشلری‌نین بۇ یئنی مرحله‌‌سینه قدم قوْیماقدان
قۆرور دۇیور. بۇ، طرفداشلیغیمیزدا یئنی بیر دؤورون باشلانغیجیدیر. بۇ یئنی
طرفداشلیق بپ-نین دۆنیانین دیگر یئرلرینده دایاز سۇلو اراضیلرده مسئولیتلی شکیلده
گئوْلوْژی کشفیات ایشلری‌نین آپاریلماسی و همین اراضیلرین ایشلنمه‌سی اوزره گئنیش تجروبه‌سینه و صنایع ده مؤوجود اوْلان ان قاباقجیل تئخنوْلوْگییالارین
ایستیفاده‌سی ساحه‌‌سینده سریشته‌سینه اساسلانیر. بیزیم تجروبه و تتکنولوژی لریمیز
ین تطبیقینه داها بیر ایمکان یاراتدیغینا
گؤره آذربایجان حؤکومتینه و سوْکار-آ تشککوروموزو بیلدیریریک”.