+0 به يه ن

بیر حالدا کی دؤولت 94 نجی ایل ین بودجه سین تصویب اوچون مجلس وئریب و بوتون استاندارلار و مجلیس نماینده لری استانلاری نین بودجه سین آرتیرماقدان اؤترو دارتیشیرلار ،شرقی آذربایجان علیرغم بوکی بودجه کئچن ایله نیسبت آزآلیب امما مسول لار اؤزلرین او کوچه یه وورمورلار و حتی بودجه نین نه قدر آزآلماسیندان دا بحث ائتمیرلر و بودجه باره سینده ائشییه چیخان سؤز بودورکی مرند جلفا نماینده سی استان نین شورا سیندا دئییب کرمان استانین بیر شهری نین بودجه سی کل شرقی آذربایجانین بودجه سیندن چوخدو.سیز کئچن هفته عرض ینده شرقی آذربایجان مسول لریندن عمومی رسانه لرده یاییلدیغی خبرلری اوخورسونوز:

جبارزاده فرماندارلار توصیه ائله دی شهرستانلاریزا میللی طرح لر آماده ائدین گلین ایل یوخ آلتداکی ایل بودجه نیز چوخ آلسین.

تبریز شهرداری سی سطحی سولاری کنترل ائتمک ایله هر ثانیه ده 5 متر مکعی اورمو گؤلونه سو گؤندره بیلر.

مردم ایطلا وئرمک اوچون بودجه یه نیازمیز وار.

گزینیش لرده ایستخدامی پرونده لره گرک آرتیق دقت اولونا.

کارمندلری گرک اؤز باشلارینا اؤتورمه یک.

قاباق کی دؤولت دن قالان مشکل لر گرک ایلین آخرینه قدر ساهمانا سالینا.

مسول لار گرک نماز واختینده جلسه قویماسینلار.

+0 به يه ن

یام نیوزون ایصفاهان استانداری سی نین رسمی سیته سیندن آلدیغی خبره گؤره بو استان ین استانداری دئییر ایصفاهان استانین بودجه سی 94 ایل ده 12 مین میلیارد اولاجاق بیر حالداکی بو بودجه 93 ایل ده 8500 میلیارد ریال ایدی.

رسول زرگرپور دئییر بو استان ین 19 مجلیس نماینده سی نین بو بودجه نین پیشنهادیندا بؤیوک نقش لری واریدی او آرتیردی بیز نماینده لردن ایستیریک کی خصوصی بخش دن حمایت ائتمک اوچون بو استاندان آلینانان مالیات لار آز آلسین .زرگرپور زاینده رود چای ینا سو گتیرن کانالا ایشاره ائدیب دئدی نماینده لردن ایستیریک بو پروژه نین بودجه سین 2000 میلیاردا قدر اوسته آپارسینلار و مدیریت ینده استان اداره لرینه محول ائله سینلر.

زرگرپور بو تئزلیک ده روحانی نین بو استانا سفریندن سؤز آچیب دئدی بو یاخین لیق دا رئیس جمهور ایصفاهانا سفر ائدجک.ایصفاهان استانداری دئدی ایندی لیک ده استانین مازاد گلیری اولاندا یاریسی استانا وئریلیر بیز دؤولت دن ایستیریک کی بو بودجه نین هامیسی استانا قایتاریلسین.

+0 به يه ن

یام نیوز فارس خبرلیگ یندن آلدیغی خبره گؤره دی آی نین 14 ده تبریزین شهر شوراسی نین جلسه سینده دانیشان شیاری شرقی آذربایجان بودجه سی نین آز آلماسینا اعتراض ائدرک دئدی اییر نفت ین اوجوزلاشمگی استانی بودجه لرین آزالماسی دیر نییه بو ایش فقط شرقی آذربایجاندا اتفاق دوشور.

94 نجی ایل ین بودجه سینده استانین میللی پروژه لرینه اوجمله دن تبریز میانه دمیر یولو-تبریز بازرگان جاده سی و مرند جلفا یولونا بودجه آیریلمیب دیر.

رسمی شکیلده بو استانین بودجه سی نین نه قدر آزآلماسی استان مسول لاری وریندن اعلام اولماییب دیر. امما مرند و جلفا جاماعاتی نین مجلیس ده کی وکیل کئچن گون دئییب کی کرمان ین بیر شهری نین بودجه سی کل شرقی آذربایجانین بودجه سیندن چوخ دور.

+0 به يه ن

یام نیوز:دونیانین مشهور خواننده سی عالیم قاسیموو دی آی نین 21 و 22 سینده تیهرانین وحدت سالونوندا جاوید مجلیسی باشچی لیق ائدن تهران ین بادی ارکستری نین ایشتراک ایله اوخویاجاق دیر.

بو قروپا سینا ذکایی باشچی لیق ائدیر.

آرتیرمالییق عالیم قاسیموو بو ایل تیر آیندا دا تهراندا کونسئرت وئرمیشدی امما اونون تبریز کونسئرتی لغو اولموشدو.

+0 به يه ن

یام نیوز:تبریز شهرداری سی نین عمرانی معاونی  دئییر دؤولت تبریز شهرینده اوتوبانلارا هزینه قویمور و تبریز شهرداری بو شهرین بودجه سیندن میللی  یول لارین تیکیلمه سینه ایشاره ائدیب آرتیردا آیری شهرلرده بو برعکس دیر.

مهندس عبدالله پور دئییر کسایی اوتوبانی تبریز شهرداری سی نین سرمایه سی ایله تیکیلیب و قورونور ،دؤولت گرک نفت پولوندان و میللی بودجه دن تهران بازرگان اوتوبانین تکمیل ائده نه تبریز شهرداری سی او دئدی حتی یاغچیان باسمنج یولونون ائنیلتدیرمگی ده شهرداری نین وظیفه سی دئییل. او دئدی نتاسفانه استان مسول لاری بو موضوع دا وظیفه لرین یئرلرینه یئتیره بیلمیرلر حالبوکی ایصفاهاندا 30 برابر تبریز میللی بودجه لردن اوتوبان تیکیلیب .

+0 به يه ن

یام نیوزون  فارس خبر لیگ یندن آلدیغی خبره گؤره سپاه عضولریندن اولان مرت لی مهندیس دونیادا ایلک دفعه اولاراق اکت دن قاچان طییاره دوزه لدیب دیر.

بو طییاره نین 250 مئترلیگ یاخین لیغینا راکت گلنده اؤزون بیر امن یئره قاچیردیر.173 سانتی مئتر اوزونلوغو و 4 کیلو آغیرلیغی اولان بو طییاره دشمن الینه دوشمه مک  اوچون اؤز اؤزونه تجزیه اولماق قابلییت ینه مالیک دیر.

+0 به يه ن

یام نیوز:شرقی آذربایجان ین یول پلیسی نین وئدریگی معلوماتا گؤره تبریز شهرینده یازیلان جریمه لرین یوزده قیرخی بو شهرین 17 شهریور خیاوان ایله ایمام ریضا مریض خاناسی نین قیراغینداکی خیاوندا یازیلیر.

17 شهریور خیاوانی تبریز شهری نین دوقتور مطب لری و طیبی لابراتورلار و داواخانالار بورسی دیر.و ایرانین قوزئی باتی سی نین طیبی مرکزلریندن بیری دیر گونده مین لرجه مریض باشقا شهرلردن بو خیاوندا دوقتور دالیسیجا گزیرلر.

400 تخت لیق ایمام ریضا مریض خاناسی ده آذربایجانین لاپ بؤیوک مریض خاناسی دیر و آذربایجان ین بوتون شهرلریندن اوردا مریض یاتیردیلیر.

+0 به يه ن

یام نیوزون صاباح قازئتیندن  آلدیغی خبره گؤره آنکارانین بئرگیز عمرانی  شیرکتی تبریز مئترو سونون 3 –خطی و  تبریز-بازرگان آنا یولو(آوتوبان) داخیل اولماقلا 1،8 میلیارد دوللار دیَرینده ایکی بؤیوک پروژه  حیاتا کئچیرمک اوچون شرقی آذربایجان استانی نین مسئوللاری ایله قرارداد  ایمضالاییب.

بئرگیز شیرکتی‌ دوزلدن  مئترو خطی تبریز طییاره مئیدانیندان  باشلایاراق شهر مرکزینی کئچیب گونئی آنا یولو کسایی نین قیراغیندا یئرلشن اوتوبوس ترمینالینا  باغلاناجاق. شیرکت پروژه نی  2017-جی ایلده بیتیره‌جه‌یینی بیلدیریب.

ایرانین تسنیم  خبرلیگی  تبریز مئترو خطتی‌نین 850 میلیون دوللارلیق بیر پروژه  اولدوغونو یازیب.

تبریز و قربی آذربایجان استانلاری نین بازرگان شهری آراسیندا حیاتا کئچیریله‌جک آنا یول (اوتوبان) پروژه سی اوچون تورکییه و ایران طرفی اورتاق بیر شیرکت قوروبلار. بازرگان عمرانی  یئنی قورولان شیرکتین یوزه  65  ایران یول ناظرلیگی نین  یوزه 35 تورکییه لی بئرگیز شیرکتی نین دیر.

دیت (دوزت –ایشلت- تحویل وئر) مودئلی ایله حیاتا کئچیریله‌جک 225 کیلومئترلیک یول پروژه ‌سی‌نین دیَری 1 میلیارد دوللاردیر.

+0 به يه ن

یام نیوز:حسن روحانی ین 94-نجی بودجه لایحه سینده تازا فارس لغت لری یاراتماق اوچون فارس دیلی فرهنگیستانینا و سعدی بنیادینا 16 میلیارد بودجه آیریلیب.

بو بودجه نین 11 میلیارد 800 میلیون تومنی فارس دیلی فرهنگیستانین تازا لوغت یاراتماق اوچون و 4 میلیارد 200 میلیون تومنی ده خاریجده فارس دیلین تبلیغی اوچون آیریلیب دیر.

ایراندا غلامعلی حداد عادل فارس دیلی فرهنگیستانین رئیسی دیر.بو بنیاد ایلده  یوزلرجه  فارس دیلینده یئنی لغت لر یارادیر.

+0 به يه ن

یام نیوز:رویترز خبرلیگ یندن رآلدیغی خبه گؤره ایندونئزییا آختاریش و قورتالیش خبرلیگی نین  بیلدیریب کی، ایتکین دوشموش آیراسیا طییاره سی‌نین قالیقلاری‌نین “دنیزین دیبینده اولدوغو” گومان ائدیلیر. بو طییاره نین جاوا دنیزی‌نین ایندونئزییا ساحلینه یاخین لیق لاریندا دوشمه سی  تخمین ائدیلیر

یکشنبه گونو  بامبانق سولیستیا پایتاخت جاکارتادا موخبیرلره ایچریسینده 162 نفرین اولدوغو آئروبوس 320 طییاره سی‌نین دونن جاوا دنیزی‌نین ایندونئزییا ساحلینه یاخین لیغیندا دوشمه سی تخمین ائدیلیر.

طییاره نین آختاریشلاری یکشنبه گونو  یئنیدن باشلانیب دیر. سرنیشینلرین قوهوملاری ایسه هله ده اومیدلرینی ایتیرمه‌ییبلر.

نهنگ آختاریش سعیلرینه گمیلر، طییاره لر و هئلیکوپتئرلر چاغیریلیب .  بیر سیرا اؤلکه اؤز یاردیملارینی تکلیف ائدیبلر.