+0 به يه ن

یام نیوز:تبریز شهرداری سی نین عمرانی معاونی  دئییر دؤولت تبریز شهرینده اوتوبانلارا هزینه قویمور و تبریز شهرداری بو شهرین بودجه سیندن میللی  یول لارین تیکیلمه سینه ایشاره ائدیب آرتیردا آیری شهرلرده بو برعکس دیر.

مهندس عبدالله پور دئییر کسایی اوتوبانی تبریز شهرداری سی نین سرمایه سی ایله تیکیلیب و قورونور ،دؤولت گرک نفت پولوندان و میللی بودجه دن تهران بازرگان اوتوبانین تکمیل ائده نه تبریز شهرداری سی او دئدی حتی یاغچیان باسمنج یولونون ائنیلتدیرمگی ده شهرداری نین وظیفه سی دئییل. او دئدی نتاسفانه استان مسول لاری بو موضوع دا وظیفه لرین یئرلرینه یئتیره بیلمیرلر حالبوکی ایصفاهاندا 30 برابر تبریز میللی بودجه لردن اوتوبان تیکیلیب .

+0 به يه ن

یام نیوزون  فارس خبر لیگ یندن آلدیغی خبره گؤره سپاه عضولریندن اولان مرت لی مهندیس دونیادا ایلک دفعه اولاراق اکت دن قاچان طییاره دوزه لدیب دیر.

بو طییاره نین 250 مئترلیگ یاخین لیغینا راکت گلنده اؤزون بیر امن یئره قاچیردیر.173 سانتی مئتر اوزونلوغو و 4 کیلو آغیرلیغی اولان بو طییاره دشمن الینه دوشمه مک  اوچون اؤز اؤزونه تجزیه اولماق قابلییت ینه مالیک دیر.

+0 به يه ن

یام نیوز:شرقی آذربایجان ین یول پلیسی نین وئدریگی معلوماتا گؤره تبریز شهرینده یازیلان جریمه لرین یوزده قیرخی بو شهرین 17 شهریور خیاوان ایله ایمام ریضا مریض خاناسی نین قیراغینداکی خیاوندا یازیلیر.

17 شهریور خیاوانی تبریز شهری نین دوقتور مطب لری و طیبی لابراتورلار و داواخانالار بورسی دیر.و ایرانین قوزئی باتی سی نین طیبی مرکزلریندن بیری دیر گونده مین لرجه مریض باشقا شهرلردن بو خیاوندا دوقتور دالیسیجا گزیرلر.

400 تخت لیق ایمام ریضا مریض خاناسی ده آذربایجانین لاپ بؤیوک مریض خاناسی دیر و آذربایجان ین بوتون شهرلریندن اوردا مریض یاتیردیلیر.

+0 به يه ن

یام نیوزون صاباح قازئتیندن  آلدیغی خبره گؤره آنکارانین بئرگیز عمرانی  شیرکتی تبریز مئترو سونون 3 –خطی و  تبریز-بازرگان آنا یولو(آوتوبان) داخیل اولماقلا 1،8 میلیارد دوللار دیَرینده ایکی بؤیوک پروژه  حیاتا کئچیرمک اوچون شرقی آذربایجان استانی نین مسئوللاری ایله قرارداد  ایمضالاییب.

بئرگیز شیرکتی‌ دوزلدن  مئترو خطی تبریز طییاره مئیدانیندان  باشلایاراق شهر مرکزینی کئچیب گونئی آنا یولو کسایی نین قیراغیندا یئرلشن اوتوبوس ترمینالینا  باغلاناجاق. شیرکت پروژه نی  2017-جی ایلده بیتیره‌جه‌یینی بیلدیریب.

ایرانین تسنیم  خبرلیگی  تبریز مئترو خطتی‌نین 850 میلیون دوللارلیق بیر پروژه  اولدوغونو یازیب.

تبریز و قربی آذربایجان استانلاری نین بازرگان شهری آراسیندا حیاتا کئچیریله‌جک آنا یول (اوتوبان) پروژه سی اوچون تورکییه و ایران طرفی اورتاق بیر شیرکت قوروبلار. بازرگان عمرانی  یئنی قورولان شیرکتین یوزه  65  ایران یول ناظرلیگی نین  یوزه 35 تورکییه لی بئرگیز شیرکتی نین دیر.

دیت (دوزت –ایشلت- تحویل وئر) مودئلی ایله حیاتا کئچیریله‌جک 225 کیلومئترلیک یول پروژه ‌سی‌نین دیَری 1 میلیارد دوللاردیر.

+0 به يه ن

یام نیوز:فارس آگئنت یندن آلدیغی خبره گوره  سعید شبستری خیابانی بوگون، گون اورتا دان سونرا استانین گنج لر ایش لرینی ساهمانا سالماق جلسه سیندا دئدی:جوان لرین ایندکی دورومو،و اونلاردان بیزیم ایستک لریمز ،شاید بعضی مسئولار ین باخیشیندا بیر تهدید سایلا .ولی دولتین اعتقادی بو دورکی بو جوان لار اولماسی بیر ارزش لی فرصت دیر کی .بوقشرین ایستک لارینا گئرچک دوزگون باخیلا.جوان لار بیر اجتماعی سرما یه لردی .لازم دیر بونلرین مشارکت اجتماعی،واینام لرین ، اجتماعی دیل خوش لوق لرین یوخاری آپاراق" نیه کی بو جوان لر ساباحن باش چی لاری دیر .مجازی شبکه لری فیلتر الماق ایله  ایش بیر یانا چاتماز. بیر حالدا بیز ایستریک ماهواره شبکه لرین قاباغین آلاق ،او  
طرف دان اجتماعی شبکه لر جیب تلفن لارینا گون به گون فراهم اولور وراحت فیلم وفتو  پایلشلیر. بس   چالیشاق  فیلتر عوضینه نجور دوز ایستفادنی بو تکنولوژدن اؤیردک . 

شبستری خیابانی :بو مقطع دا تکفیری گروه لار وداعیشی لر وانگلیس شیعه لری اؤزخرافات لرین

ترویج وئرمینن. باعث اولوب لار جوان لر اؤز اینام ینن اوزاق لشسینلار.بیز گرک  چالیشاق دینی وفرهنگی ارزش لری جوان لار آراسینا یوخاری آپاراق.

او آرتردی کی:خصوصی بخشینین  ایش لرینین  امنیتی یوخدور"نیه کی:8مین 5یوز تولیدی واحدن ایندی فقط  4مین 2یوز واحدی فعالیتدا دیر.بو بیر بیزم اوچون زنگ خطر دیر. لاکن 1384 دان بری 30 مین ایش چی ایشن ال دان وئریب دیر.

پس نجور بیز بو جوان لاری گله جه یه  امید وار ائلیک :لازم دکی آیتم لاری وشاخص لری جوان لار اوچون دیشییله.

+0 به يه ن

یام نیوز:فارس آگئنت یندن آلدیخی خبره گوره :داعشه باغلی اولان عمومی رسانه لر بو سپاه سرداری نین ترورون بویونلارینا آلیب لار.بو ترور داعش باغلی بیر تک گولله آتانین ال ایله اولوب.

سردار حمید تقوی کی مشاوره عنوانیندا عراقین داعش ایله ساواشان داوطلب نیرو لری اایچینده  عراق دا ماموریت ده ایدی . داعش (ایشید) طرفیندان ترور اولونوب ،بو ترور عراقین سامرا شهریندا باش وئریب دیر.

+0 به يه ن

یام نیوز:ایلنا آگئنت یندن آلدیغی خبره گوره: دونن گئجه ساعت 8 دور برینده  3 نفر آق دره قیزل معدنین ایشچلریندن اینتحار ائدیب لر کی بون لرین آد لری عبارت دیر .>ی،>ک،>ی،. دان بو ایشچیلر بیر روح و روانی فشاردان اولارق بو عمله ال وروب لر.

معدنایشچلرینن دئدینه گوره بونلارین بیرسی آغیر یاراسی اولدوغنه گوره بیمارستاندا بستری اولوب و2 سیدا درماندان سونر سربست  بوراخیلیب .

تیکان تپه نین آق دره قیزیل معدنینن 350 ایشچسی ایش دان  قیراغا قویولوب  وبو علته  گوره ایش چلر دونان صبح اعتراض اوچون معدنیین قاباغندا اعتراض  گئچرلیب.بو توپلومدا تیکان تپه شهرینن مسئولرینداندا مشارکتی واریمیش بونا باخ میراق معدن صاحب لری ایشچلری ایشه قبول ائتمه یب لر.

+0 به يه ن

یام نیوزون  ایلنا خبرلیگ یندن آلدیغی معلوماتا گؤره بو شهرده ایران دا یلک دفعه اولاراق سو و پئشه لر موزه سی تیکیلیر.و یو ایل سونوناقدر  بو موزه لر آچیلاجاق.

مهندس مدبرین وئردیگی معلوماتا گؤره راسته کوچه نین یاخچال کوچه سینده تیکیلن بو موزه نین 2000 متر مربع مساحتی اولاجاق.سو موزه سی قدیم صادیق یاخچال نین یئرینده تیکیلیر و کوچه نین کف یندن 47 پله آشاغیدی.

بو موزه نین تیکیلمه سینه و تجهیز اولماسینا سرابلی قارداش لار یاردیم ائدیرلر،منطقه شهرداری سی نین دئدیگینه گؤره موزه نین طراح لیغیندا وتجهیزیندا مشارکت لری اولان بو کولکسیونرلر ساختمانین عمرانی ایش لری باشا چاتاندان سونرا موزه نی شهرداری دن تحویل آلیب و اونو تجهیز ائدجکلر.

موزه نین ساختمانین ایسکلتی قورتاریب و ایچری فینیشینگ ایش لری گؤرونمک ده دیر.ساختمانین 3 طبقه سی وار  نماسیدا تیریز معمارلیغنده ایش له نن سنتی کرپیچ ایله اسپراخون داش ایله ایش له نیر.

+0 به يه ن

یام نیوز مهر خبرلیگیندن آلدیغی معلوماتا گؤره خبر وئریرکی ،تبریز شهری نین شورا عضوو دئییر باغیرخانین ائوینی سؤکوب یئرینده تازا ساختمان تیکمک مجوزی تبریز شهرداری سی وریندن وئریلیب.

حبیب شیری آذر بو دانیشیقینده آرتیردی اوچونجو شورا نین اول لرینده قرار اولدو شهرداری بیر میلیارد تومن اعتبار ایله بو ائوی آلیب  اونون تعمیر و قوروماسینا نیسبت اقدام ائده امما تاسف ایله نه اینکی بو شی گؤرمه دی بیز گؤروروک شهرداری بو گون بو ائوین سؤکولمک مجویزین ده صادر ائدیب دیر.

باغیرخانین ائوز تبریزین خیاوان محله سینده یئرله شیر و مشروطه اینقلاب یندا چوخلو مهم گؤروش لر و اوتوروملر مرکزی اولماقدان علاوه مشروطه اینقلابی نین نیظامی رهبرلریندن اولان باغیرخان ین ائوی ایدی.

+0 به يه ن

یام نیوزون شهریار خبر آگئنتیندن آلدیغی خبره گؤره تبریز شهرداری بو گون شهر شوراسی ایله اورتاق اوتوروم دا دئدی:تبریز شهریندن مترو واگن لرینین صنعتی گلمک ایله بو  شهر منطقه ده واگن دوزلدن مرکزلردن اولاجاق.

دوقتور نجفی مترو ایله باغلی شهر شوراسینا وئردیگی گزارش ده آرتیردی:شاه گؤلو-باغلارباغی مسیرینده بیر رام واردی بیز ایستیریک بو رام لاری یاخین گلجکده اوچ ائله مک ایله بو مسیرده مترونو کئیفیت لی یولا سالاق.بونا گؤره شهرداری کارشناس لاری چین ده دیرلر،اونون دئدیگینه گؤره ایران چین دن 315 دن واگن آلیب کی اونلاردان 100 دنه سی تبریزین و قالانی ایصفهان ایله شیراز یندی.بو واگن لرین 100 آماده و قالانی قطعه صورت ده گلیب تبریزده مونتاژ اولاجاق.

بو جلسه ه شهرداری آیسان پروژه سینده ایشاره ائدیب دئدی بو پروژه برنامه اوز ایله قرار ایدی یئدی ایله باشا چاتا امما ایندی یالنیز یوزده اوچو ایشله نیبدیر. بیز چالیشریق پروژه نین بورج لرین سرمایه گتیرن شیرکت ین پاییندن وئریب و شهرداری نین عمران و توسعه شیرکت نین ال ایله پروژه یه استارت ووروب و اسکلته قدر اونو قاباغا آپاراق.

دوقتور نجفی تبریز شهرداری سیله ارتش آراسیندا قورولان امک داشلیق لاردان سؤز آچیب دئدی بیز ارتش ایله داوا  و فولاد کارخاناسی تیکمک اوچون ایلکین آنلاشمالاریمیز اولوبدور.