+0 به يه ن

یام نیوز:اورمو شهرداری نین والیبال تیمی سعید مروفون بو تیم دن آیریلاندان سونرا والریو میلیور آدلی ایتالیالی بیر پاسور گتیریر،آرتیرمالییق بو تیم ایرانین سوپرلیگ رقابت لرینده جدول ین صدرینده یئرله شیر

+0 به يه ن

یام نیوز:تیراختورسازی محمد حسین صادقی ایله ده قرارداد باغلاماق ایستیر،بو تیم چهارشنبه گونو تدارکاتی اوردو اوچون دبی شهرینه گئدیر بو اوردو دا تیراختور سودانین الهلال و کویت ین الکویت تیم لر ایله یولداشانه اویونلار اوینایاجاقلار.

مصطفی اکرامی گسترش ایله قرار داد باغلادی بو تیم ین مدیر عاملی میثم نقی زاده نین بو تیم دن آیریلیب مشهد ین پدیده تیم ینه قوشولماغیندا قاباغین آلدی.

+0 به يه ن

یام نیوزون  اورمو شهرداری سینین والیبال باشگاه نین رسمی سیته سیندن آلدیغی خبره گؤره سعید معروف ایران ین میللی والیبال تیم نین مربی سی و اورمو شهرداری سین نین پاسورو بو تیم ین ال ایله دونیانین مشهور والیبال باشگاه لریندن اولان کازانین زینت تیم ینه  داشینیلدی.

بو تیم ین سوز دانیشانی الهام راخماتولین دئیرکی سعید معروف ایله قرارداد باغلانیب و او روسییا ویزاسین گؤزله ییر و چوخ احتمال ایله ژانوایه نین 10 ده کازان دا اولاجاق.کازانین  زینتی هم آوروپانین قهرمانلار لیگ ینده هم ده روسییا نین برتر لیگ ینده اویناییر.

سعید معروف 1364 نجی ایلده اورمو شهرینده آنادان اولوبدور. اورمونون شهرداری تیم یندن اوینایردی. بو تیم ایران لیگ ینده یاریم فصل ده قهرمان اولوبدور.

آرتیرمالییق کازان روسییا دا تاتاریستان جمهوریت ینین مرکزی دیر.بو جمهوریت  جمعیتی تورک دور.

+0 به يه ن

یام نیوز: تیراختورسازی تیم نین رسمی یاییدیغی خبره گؤره ایران تیم نین هافبکی آندو تیموریان 93-94 نجو برتر لیگ نین قالانین تبریزین تیراختورسازی تیم یندن اوینایاجاق.

آرتیرمالییق تیراختور یانچی لارینین ایستقبال ایله دون آخشام قارشیلاشان تیموریان دئدی سئوینیرم کی تیراختورا قوشولدوم چالیشاجاغام بو تیم ین خدمت ینده یئنی اوغورلار قازاناق.

تیراختور دا باشقا بیر خبرده بوکی استقلال تیم نین دفاع سی امیر حسین صادقی دئییب ایستقلال ایله آنلاشا بیلمه سک تیراختورسازی تیمینه قوشولاجاغام.

+0 به يه ن

یام نیوز:تیراختورسازی آندریاک تیموریان ایله آنلاشماق اوچون مذاکیره لری باشلاییب بعضی معلومات لارا گؤره بو تیم ین مدیرلریندن بیری بو ایش اوچون تهرانا گئدیب.تیراختوردان سونرا مشهدین پدیده و ایصفهانین سپاهان تیمی مشتری اولان تیموریان قارداشینین دئدیگینه گؤره چوخ احتمال ایله تبریزه گله.

تیراختور دان باشقا بیر خبر بوکی بو تیم دفاعی خط ین گوجلندیرمک اوچون ازبکستان ین میللی فوتبالچوسو ایله آپاریلان دانیشیق لاری دایاندیریب دیر.بو اویونچو دفاع خط ینده اویناییر امما تیراختوردان ایسته ین پولون مبلغی یوخاردی و تیراختور اونا وئره بیلن پولو او دئییب و اوندان جاواب گؤزله ییر تیراختور ایستیردی آسیایی سهمیه سین دولدورماق اوچون بو اویونچونو آلسین.

رسول خطیبی محسن دلیری و شهریار شیروندی باغیشلادیغیندان سونرا احتیمال وئریلیرکی حامد لکی ده باغیشلایا نییکی تیراختورسازی لکی ایستین باشگاه لارا منفی جاواب وئریب.

+0 به يه ن

یام نیوز تبریزین گسترش فولاد سیته سینده آلدیغی خبره گؤره بو تیم 3 یئنی اویونچو آلیر.محسن حسینی قرارددادین باغلاییب ،مصطفی اکرامی شنبه باغلیر برزیلی اویونچو دا جمعه تبریزه گلدی.

گسترش فولاد فوتبال تیم نین مدیرعاملی دئییر بو تیم فنی کادرین تاچشریق ایله تازا اوچو اویونچو آلیب ،سمندرین دئدیگینه گؤره تراختورسازی نین کئچمیش تبریزلی اویونچوسو محسین حسینی بو تیم ایله قرارداد ین باغلاییب حتی ماشین سازی ایله یولداشلیق اویونوندا توپ دا اوینادی،تیراختورسازی نین کئچمیش بئخی مصطفی اکرامی ده بو گون قرار داد باغلایاجاق ،اوچونجو اویونچودا هافبک خط ینده اوینایان بیر برزیلی اویونچودو آدی رودگلووووو دیر .او جمعه گونو تبریزه گلیب دیر و فنی تست لردن سونرا اونون دا قراردادی باغلاناجاق دیر.

آرتیرمالییق گسترش فولاد تیمی باش مربی سین دگیشیب فرزاد کمالوندی گتیرندن سونرا تیم ده درین دگیشیک لره ال قویوب او بایرامی ینی تیراختورا وئریب محمد ابراهیمی نی آلدی کئچمیش ده تیراختوردا اوینایان پیمنتا نی یئنی دن تبریزه گتیردی ،تیراختورون کئچمیش قاپچی سی مهدی ثابتی ده سس سیز بو تیم ین تمرین لرینده حضور تاپیر.

+0 به يه ن

یام نیوز:تبریزلی لرین چوخ سئودیک لری تیراختورسازی نین کئچمیش برزیلی  فورواردی کی لیگ ین یارسیندان تبریزین گسترش فولاد تیم ینه قاتیلیب 8 نفرلیک بیر خانواده ایله تبریزه کؤچوب.بو اوینچونون 4 اوشاغی وار اؤزو،خانیمی،آتا آناسی بیرده فعلا آناسی نین قارنیندا یاشییان بئشینجی اوشاغی

بو ایلک دفعه دیر کی تبریزده خاریجی بیر اویونچو بوتون خانواده سیله تبریزه کؤچور.حتما بو قان ایستی اویونچونون اؤزونه تای خانواده سیده تبریزلی لر ایله خوش گونلر کئچیردجک لر.

+0 به يه ن

یام نیوز ایسقلال سیته سیندن آلدیغی خبره گؤره تهران ایستقلالی و ایرانین میللی تیم نین کاپیتانی آندیاک تیموریان نین ایستقلال تیم یندن آیریلماسی قطعی اولوب و چوخ احتمال ایله تیراختور تیم ینه قاتیلیر.

لیگ برترین باشلانیشیندان تیراختورون باش مربی سینین گؤزون توتان آندریاک تیموریان نایت بو تیمه قاتیلیر.رسول خطیبی بو خبری وجود دیل ایله خبرنگارلارا بیلدیردی .او گوله گوله تیراختورون تمرین لرینده حضور تاپان خبرنگارلارا دئدی بالام جانی تیموریان بو گون تبریزه گلمه به جک.تیموریان ایران ین میللی فوتبال تیم ینده فیکس اوینایان اویونچولاردان دیر و تیراختورن آسیایی اویونلاریندا چوخ دردینه دیه بیلر.

تیموریان کمالوند زمانی بیر فصل تیراختوردا توپ اویناییب. غئیری رسمی خبرلر اونون قرارداد مبلغ ین بیرمیلیارد یاریم دئییرلر  و بونا گؤره کی تیراختور باهالی اویونچوسو آل نعمه نی قیراغا قویوب ایقتصادی باخیمدان چوخ زورا دوشمه یه جک.

+0 به يه ن

یام نیوزون تیراختوروچولار کلوپوندان آلدیغی خبره گؤره بو تیم آزاد اویونچو اولان مهدی قریشی ینی تیمه آرتیریب و خاریجه لی اویونچوسو دیمتری ایله قرارداد ین فسخ ائله دی.

مهدی قریشی تیم سیز اویونچو دور و کئچن ایل خطیبی گسترش فولاد تیم ینده مربی لیگی زامانی اوردا توپ اوینوردو.آرتیرمالییق تیراختورون تمرین لری دی آی نین بیریندن باشلاییب دیر و بو تیم دوبی ده اوردو قورماغا حاضیرلاشیر.

تیراختوردا آیری بیر خبرده بو کی دی ین بیریندن تیم دن قیراعا قویولموش محسن دلیر و شهریار شیروند تیم ین تمرینلرینه قاییدیب لر امما حامد لک دن هله خبر یوخدور،دوننکی تمرین تیراختورون تازا آلینان ایکی خاریجی اویونچولاریدا حاضیر اولوب تمرین لرین باشلادیلار.

+0 به يه ن

یام نیوز خبرنگارلار باشگاهی آدلی خبر آگئنت یندن آلدیغی خبره گؤره تبریزین شهر شورا سی نین عضو و فوتسال دبیری باشگاه نین اییه سی دوقتور دبیری ایرانین فوتبال فئدراسییونون هییت رئییسه سینه کاندید اولوبدور.
 خبرنگارلارا مصاحیبه وئرن دوقتور دبیری آرتیریب نئچه ایل ورزش حوزه سینده تبریزلی تیم لردن حمایت ائلمک ده حضوروم اولوب ، اونا گؤره لازیم گؤردوم بو حوزده خدمت ائله مک اوچون کاندیدا اولام بؤیوک عامل لریندن بیری ده بودورکی تبریزین ایران فوتبالینده بؤیوک سهمی وار امما هئیت رییسه سینده هئچ بیر نماینده سی یوخدور او آرتیردی تبریزین ایران ین برتر لیگ ینده ایکی تیمی وار.دسته بیر و ایکی لیگ ینده ده پتانسیلی تیم لریمیز وار بیزیم ساحلی فوتبال،فوتسال و قادین لار فوتبالیندا دا چوخلو پتانسله مالک اولدوغوموزو اینانیرم اونا گؤره لازیم گؤدوم ایرانین فوتبال فئدراسییونون هییت رئییسه سینه کاندیدا اولام .هدفیم ایران فوتبالیندا آذربایجانین حق یندن دفاع ائتمک دیر.
برنامه لریمدن خصوصی تیم لری تقویت ائله مک فرهنگی مسایلی گؤرمک پاک فوتبالین یارانماسی  و قورونماسی ،قادیلار فوتبالی نین گئنیشلنمه سی یئرتوتور.ایستیرم ایرانین فوتبال موقعیت ین آسیا دا و دونیا دا آرتیرام.