+0 به يه ن

یام نیوز: فارس خبر آگئنتی تبریزین فوتبال تاریخینده جالب بیر سرگذشتی اولان پنالی مسله سینه ایشاره ائدیب  او دا بوکی قدیم تبریز فوتبالیندا پنالتی نی نامردلیک بیلیب پنالتی قانونون رعایت ائله مزدیلار.
 1327 نجی ایلده ایرانین سراسری قهرمانی فوتبال مسابقه لری  استانلارین سئچیلمیش تیم لری نین حضور ایله تبریزده کئچیریلن زامان تبریز ایله کرمان اویونوندا داور کرمانلی تیم ین نفعینه بیر پنالتی توتور. تبریزلی لر بو موضوع یه ایشاره ائدیب فتاح عظیمی آدلی اویونچو داوره دئییر "کیشی تبریزده پنالتی اولماز نامرد اولما"  بو اویونون نه جور اولماسی بو گون بللی دئییل امما تبریز ین قدیم فوتبالچی لریندن اولان بؤیوک آغ صباغ بیر آیری ماجرا دان سؤز آچیب  دئییرکی 1342-جی ایل ینده تبریزین منتخب تیم ایله ایرانین میللی فوتبال تیمی باغشمال استادیوموندا ایرانین فوتبال مقامات لارینین حضوروندا توپ اوینایردیلار. اویونون آخیرلری ایدی تبریز  ایکی بیره ایراندان دالی ایدی .تبریزین جریمه محوطه سینده تبریزلی دفاع رحمتلیک مشکین فام ایله ایرانلی مهاجم همایون بهزدای آراسیندا بیر توقوشما اولدی همایونون حیسلی اعتراض ینه گؤره داوار تبریزلی لرین علیه ینه بیر پنالتی توتدو.تبریزلی اویونچو رحمتلیک حبیب دایی اوغلو توپ اوستونده اوتوروب پنالتی ورماغا ایمکان وئرمه دی .تبریزین هییت فوتبال رئیسی مئیدانا گیریب دایی اوغلوندا ایشین سبب ین سوروشور دایی اوغلو دئییر داوار نامردلیق ایله زور پنالتی توتدو.مسول استادیومدا حضورو اولان ایران فوتبال فئدارسیونون رییسینه موضوع نو دئییر .او داوری چاغیریب و اوندان ایستیرکی اویونو قورتارسین.بیر نئچه مدت سورا همان داورین داورلیق ایله تبریز ایله مشهد تیم نین آراسیندا اوینانیلان اویوندا داور گینه تبریزین ضررینه بیر پنالتی توتور امما بو سری دایی اوغلو توپو گؤتوروب داوره وئریب و دئییرکی بو پنالتی حقلی دیر.

+0 به يه ن

يام نيوز شهريار خبر آگئنت يندن آلديغي خبره گؤره خبر ياييركي تبريز و آذربايجان ين بؤيوك فوتبالچي سي كريم باقري بو شهرده فوتبال يئنتك لرين تاپپب يئتيشديرمك نييت ايله بين المللي فوتبال يئتنك لرين كشف ائتمه اوجاقي ياردادير.

بو گون شرقي آذربايجان ايدمان(ورزش) ابداره سي نين رئيس ايله گؤروشن كريم باقري بو ايداره نين الي نين آلتيندا بو اوجاغي قورماق اوچون اؤز آماده ليغي بيلديريب دئدي شرقي آذربايجان ين بو موضوع دا چوخلو يئتنك لره صاحيب دير.

+0 به يه ن

يام نيوز شهريار خبر آگئنت ينه داياناراق خبر وئريركي تبريزين كئچميش ده مشهور فوتبالچي سي سيروس دين محمدي دئييب تبريز شهرداري فوتبال تيم ينده اولان ايمكانات لار ايله بو تيم ين باش مربي ليگين اليمه آلسام بو تيمي برتر ليگه آپارا بيلرم.او آرتيريب من عؤمرومون لاپ ياخش ايل لريندن يئددي ايل ين تبريزين تيراختور و شهرداري تيم ينده توپ اويناميشام و حتي شهرداري تيم يندن ايرانين ميللي فوتبال تيم ينه يول تاپمشام اونا گؤره اؤزه دينيم بو شهرين فوتبالينا ادا ائمك اوچون فرصت آختاريرام.اونون دئدگينه گؤره اونون ايرانين ميللي اؤيرنجي لر تيم نين مربي ليك ايله شهرداري مربي ليگ آراسيندا هئچ بير كونتاكت يارانماز.

سيروس دين محمدي فوتبال ين تبريزين تيراختور سازي تيم يندن باشلاييب 1371 ده بو تيم ايله ايراندا اوچونجو اولوبلار سونرا شهرداري ،ايستقلال تيم لرينده اويناييب اوردان آلمانين ماينس تيم ينه گئديب و سونرا يئني ده باشگاهي اويونلارين تهران ين ايستقلال و رشت ين پگاه تيم ينده ادامه وئرديريب دير.او ايندي ليك ده تهران ين يئني يئتمه لر تيم نين باش مربي سي دير.و شهرداري نين باش مربي سي اولماق اوچون اؤز آماده ليگين بيلديريب.

+0 به يه ن

يام نيوزون شهرداري نين ورزشي مسول لاريندان آلديغي خبره گؤره بو تيم مهدي پاشازاده نين ايستعفاسيندان سونرا ايران دسته بير ليگ ينده قدرتلي حضور تاپماق اوچون ايرانين فرهاد كاظمي آدلي مربي سيني خدمته آلماق ايستير.

بو مربي قاباق كي ايل لرده تيراختور سازي ده ده مربي ليك ائتميشدي.

تبريز شهرداري سي نين تيمي تاسف ايله بو رقابت لرده 10 ايمتياز ايله جدول ده 9 نجو سيرادا يئرله شيب  بو گروه دا 11 تيم يئرله شيب دير.

+0 به يه ن

يام نيوزا شهرداري نين ورزشي مسول لاريندان گلن خبره گؤه مهدي پاشازاده  تيمي يزدين فولاد تيم ينه اودوزاندان سونرا بو تيم دن استعفا وئردي.

اردبيلي باش مربي كئچن ايل بو تيمي ايران ايكينجي ليگ يندن بيرينجي ليگ ينه گتيرميشدي امما بيرينجي ليگ ده بو تيم ايله ياخشي نتيجه آلابيلميردي نئجه كي اون اويوندان 4 دون اودوزوب ،4 دون مساوي ائديب و يالنيز ايكي اويونو اودوبدور.شهرداري ايندي جدول ين 9 نجو رده سينده دير. اونون گروهوندا 11 تيم واردير.

+0 به يه ن

يام نيوز:حاضيردا آذربايجانلا تۆركييه آراسيندا حياتا كئچيريلن ترانس آنادوْلو قاز قورشاغي پروژه سي  (تاناپ) ائنرژي ساحه سينده "بؤيوك ايپك يوْلو"دۇر. بۇنو تۆركييه‌نين باش وزيري  احمد داوودوْغلو بيان ائديب.

+0 به يه ن

يام نيوز:ليگ ين ايكينجي يارسينا جذب اولموش تراختورسازي نين ايكي خاريجي اويونچوسو نگالي عيسي اندو و برزيلي رادامس مارتينز ين اويونچلوق كارت لري صادر اولماق ايله بو اويونچولار تراختورسازي تيم ينده توپ اويناماق ايجازه سين آلديلار.

+0 به يه ن

يام نيوز: "رادامس مارتيز رودريگز دا سيلوا" برزيل لي هافبك -ويلا نواي برزيلين اويونچوسو- ايل ياريملي قراردادلا تيراختور ا قووشدو.

+0 به يه ن

يام نيوز:الف گروهوندان رقابت ائدن تبريز شهرداري سي نين واليبال تيمي اون بير امتياز ايله بو گروهون صدر ايله 4 ايمتياز آراسي وار.

+0 به يه ن

يام نيوز : يام نيوز آذرتاج خبر آگئنت يندن آلديغيميز  خبره گؤره موسكودا كئچيريلن "گلجك آدينا دانيشيق :روسيه و دؤوره عالم " برنامه سينده ايشتراك ائدن روسيه خاريجي ايش لر وزيري سئرگي لاوارووف دئييب :آذربايجان بيزيم اۆچون منطقه نين  ان اؤنملي اؤلكه‌سيدير.