+0 به يه ن

یام نیوز سالماس دان آلدیغی خبره گؤره دؤولت بو شهرین شهر شوراسی نین ایشینه دخالت ائدرک اینقلاب ایسلامی مئیدانین آدینی فردوسی یه دؤندریب یئنی دن فردوسی مجسمه سین بو مئیداندا  نصب ائدیب.

کئچن آی سالماس شهری نین شهر شوراسی نین تصمیم ایله بو شهرین فردوسی آدلی مئیدانین آدی اینقلاب مئیدانینا چئوررک بو مئداندا اولان فردوسی مجسمه سی گؤتورولموشدو،شهرین شورا سی نین ایختیاراتیندا اولان بو قانونو ایشه فارس عیرقی چی لری(نژاد پرست لری) اعتراض ائدرک بو دموکراتیک شورانین ایش لرینه دخالت ائدرک اونون آدینی یئنی دن دؤندرمک ایستمیشدیلر بو اعتراض چی لرین باشدا گئدنی مجلیس ین امنیت کمسیونون عضوو اردبیل میللت وکیلی منصور حقیقت پور سرت واکنش گؤستررک سالماس جاماعات نین شهر شورای سی نین قانونو ایختیاراتینا باخمایاراق ،بو ایش محکوم ائدرک دئمیشدی بیز مافوق نهاد لرین ال ایله خصوصا غربی آذربایجان اوستانداری نین ال ایله بو مئیدانین آدینی اینقلاب ایسلامی دن فردوسی دؤندره جه ییک،بو میللت وکیللی نین سعی لری ساحه سینده اوستانداری نین دستور ایله فردوسی مجسمه سی سالماسا دؤندو.

+0 به يه ن

یام نیوز یاییر:

یاپون عالیملری هددن آرتیق دقیق ایشله‌ین آتوم ساعتی حاضرلاییبلار. بو ساعت 16 میلیارد ایل عرضینده دقیق واخت گؤسترمه‌یه قادیردیر و همین مدتده اونون جمعی بیر سانییه خطا ائتمک احتیمالی وار /قایناق آذرتاج

جان کری آمریکا گنگره سینده ایران ایله آپریلان هسته ای مذاکره لردن حمایت ائدیب. /قایناق آمریکا سسی

تهران جاماعت نین میللت وکیلی احمد توکلی:ایران گلن ایل بودجه سی 89 مین میلیارد تومن دیر ،بیر حاداکی دؤولت ین عمومی گلیرلری  یوزده 41  بو رقم دن آزدی بو یانی بیزیم گلن ایلین بودجه سینده یوزه 41 کسری میز واردیر./قایناق ایسنا

ایران ین مرکزی بانکی ایراندا تورم کئچن 12 آیا نیسبت یوزه 8/15 آزالیب.

ژئنئفین (ژنو)موقتی آنلاشماسیندان سونرا آلمان دان ایرانا اولان صادرات یوزه 30 آرتاراق 2 میلیارد 400 میلیون یورو اولوب./قایناق بی بی سی

الهام علی یئوو:آذربایجان ین قونشو دؤولت لری نین میللی پول لاری نین دیر دن دوشمه سی آذربایجان ایقتصادیات ینا گلجک ده ضررلی اولا بیلردی اونا گؤره آذربایجاندا دولارین قیمتی 2006 –نجی ایلده پول ایصلاحاتی زامانی اولدوغو قیمته قایتاریلدی،مانات ین باهلاشماسی بیزیم ایقتصادا خئیرلی دئییلدیر./قایناق آذ تیوی کانالی

تبریزین میللت وکیلی رحمانی:مجلس ماشینین باهالاشماغی نین قاباغین آلاجاق،ماشین دوزلدن کارخانالار  ماشین لارین کئفیت لرین اوسته آپارماییرلار.

سونگون فوتسال تیمی نین یئنی فنی کادری بللی اولوب،تازا کادر ده حسین شمس باش مربی و ناصر رنجبر ده مربی  سئچیلیب.بو تیم ورزیقان شهری نین اولسادا بو شهرده ورزشی ایمکانات اولمادیغینا گؤره تبریزده فعالیت ائدیر ،بو تیم ایرانین فوتسال دا برتر لیگ ینده اویناییر.

خوی جاماعت نین میللت وکیلی :پوریای ولی نین مقبره سی 10 میلیارد تومن ائل یاردیم لار ایله گلن ایکی ایل ین ایچریسینده تیکیله جک.

 غربی آذربایجان اوستانی نین بازرگانی ایداره سی نین معاونی: تحریم لر باعث اولوب فرش ین قیمتی دونیا بازارلاریندا اوجوزلاشسین و بو عامل بو اوستانین فرش صادرات ین آزالدیب./قایناق فارس نیوز

آذربایجان دؤولتی مانات ین دولار مقابلینده قیمت ین دوشمه سیله باغلی  چؤرک و چؤرک محصوللاری‌نین ساتیش قییمتی‌نین قالخماماسی اوچون دؤولت ضروری تاخیل (غله)انبارلاریندا ساخلانیلان تاخیلی   ساتیشا چیخاریب. /قایناق آزادلیق سسی

تورکییه‌نین خاریجی ایشلر ناظری مؤولود چاووشوغلو آذربایجانا صفری چرچیوه‌سینده فئورالین 26-دا پرئزیدئنت ایلهام علییئو له بیرلیکده خوجالی فاجعه‌‌سی قوربانلاری‌نین عابده‌سینی زیارت ائده‌جک./قایناق آزادلیق سسی

تورکییه نین برگیز شیرکتی تبریز –بازرگان اوتوبانین چکیر

ایرانین یو وزارتی ایله آنلاشان تورکیه لی شیرکت بو یول نئچه فازدا 1400-نجی گونش ایلینه قدر تیکجک.پروژه 3 مین میلیارد تومن بودجه لاریم دیر بو بودجه نین یوزه 65  تورکییه شرکت اؤدییه جک./قایناق :فارس نیوز

تیراختور امیر تئیمورون اؤلکه سیندن الی بوش قاییدیب

بو گون تیراختور سازی نین فوتبال تیمی آسیا قهرمانلار لیگی اویونلاریندا  اوزبکیستانین نسف قارشی تیم یندن 2-1 اودوزوب

اورمونون آموزش و پرورش ایداره سی نین ناحیه 2 رئیسی:بو ناحیه نین 630 درس کیلاسینا نیازی وار.

کشور وزیری نین مشاوری:بو وزارت رسمی تعطیلات لارین آرتماسیله موافق دیر./قایناق فارس نیوز

بیله سووار فرمانداری: بو شهرین ایمام خمینی مریض خاناسی نین تجهیزی اوچون 15 میلیارد تومن هزینه اولوب/قایناق فارس نیوز

منصور حقیقت پور اردبیل ین میللت وکیلی: اردبیل –میانا دمیر یولونا (راه آهن) قیران خرج له مک بیت المالا خیانت دیر.آرتیرمالییق بو آدام اوستاندار  اولان زامان بو پروژه نین اؤز موقعیت لریندن سانیردی.اردبیل ین قطاری یوخدو و اونون تکمیلی نده بو آدام ین تاثیری آلتیندا هئچ بیر بودجه نظرده آلینماییب.

چک اؤلکه سی نین پراک شهری نین میللی موزه سینده “آذربایجان – معجزه‌‌لی اودلار یوردو” مؤوضوسوندا بین المللی  سرگیسی(نمایشگاه) کئچیریلیب.

لندن ده کئچیریلن "بوتا" فئستیوالی چرچیوه‌سینده  آذربایجانین خالق یازیچیسی ائلچین افندییئوین “تئلئسکوپ” اثری اساسیندا حاضرلانان تئاتر نین ایجرا سی کئچیریله‌جک.

اردبیل اوستانی نین  ایدمان(ورزش) ایداره سی نین رئیسی:بو ایل بو اوووستانین ایدمانچی لاری (ورزشکار) ایران ،آسیا،دونیا رقابت لری چرچیوه سینده 385  میدال آلیب لار.

+0 به يه ن

یام نیوز:آذربایجان گولشچیلری نؤوبتی تاریخی اوغورا ایمضا آتیبلار. آذربایجان تیمی تهراندا کئچیریلن فرنگی  گولشی اوزره  دونیا کاپی  یاریشلاریندا(مسابقه لرینده) قیزیل مئدال قازانیب. آذربایجان تیمی ‌  فینال گؤروشونده روسییا تیم ینه غالیب گلیب .بو یاریشلاردا ایران 3 و تورکییه 4-نجو مقام دا یئرلشیب .

+0 به يه ن

یام نیوز یاییر:

+0 به يه ن

یام نیوزون آذرتاج دان آلدیغی بیلگی لره گؤره ، باکی دا سو ایدمان سالونون (سو ایله باغلی ورزش لر سالونو) تیکیلمه سی باشا چاتیب.سارایی اوزگوچولوک و سویا توللانما هوووزوندان علاوه‌‌ 2 مشق حووضوندان(ارتفاع) دا عبارت اولاجاق. یاریشلارین(مسابقه لرین) کئچیریله‌جیی اساس حووضون اوزونلوغو 50، ائنی 25، درینلیگی ایسه 2،5 مئتردیر. هوندورلوکدن سویاتوللانما حووضونون اوزونلوغو 25، ائنی 20، درینلیگی ایسه 4،5 مئتردیر. اوزگوچولوک یاریشلارینی 6 مین تاماشاچی ایزله‌یه بیله‌جک.

+0 به يه ن

یام نیوزون آذرتاج دان آلدیغی خبره گؤره ،اؤتن ایل بی پی شیرکتی‌نین دایمی  ایشچیلری اولان آذربایجان وطنداشلاری‌نین سایی 2 مین 992 نفر اولوب. شیرکتین آذربایجاندا ایختیصاصلی دایمی ایشچیلری‌نین تاخمینن یوزه 86 سی  یئرلی متخصصلر تشکیل ائدیر کی، اونلارین دا چوخو رهبر وظیفه‌‌لرده‌دیر.

بی پی شیرکتی دونیانین ان بؤیوک نئفت شیرکتی دیر و آذربایجاندا بوتون نفت پروژه لرینده ایشتراکی وار. 

+0 به يه ن

یام نیوز : ایرانین قضائی قواسینین سوز دانیشانی بو حکمین وئریلمه سین تایید ائدی.
آقای محسنی اژه ای ایسنا آگئنتینه دئدی. بینفر ملا  ، «م.ج.ت» هویتدا ملا لر دادگاهی طرفینن اعدام حکم وئریلیب .

آرتیرمالییق غئیری رسمی خبر آگئنت لری بو ملا نین مجتهد اولدوغون دئییرلر.

+0 به يه ن

یام نیوز یاییر:

دنیانین چوخ هزینه لی شهرلری هارالاردیلار؟

مرسر(mercer) موسسه سی ٢٠١٤ ایلینده  دنیانین لاپ چوخ هزینه لی شهر لرین سیرالادی.

لواندا شهری آنگولانین پایتختی اولاراق بیرینجی سیرادا یئر آلیر.

انجامنا ،چاد کشورینین پایتختی ایکینجی و هنگ کنگ اوچونجو سیرادا یئرلشیر.سنگاپور دوردونجو و زوریخ بئشینجی سیرادا دیرلار

اینگیلیستاندا اوچ والدین لی اوشاقلار دونیایا گله جک

انگلستاندا یاخینایق دا ٣انسان دان آلینان dnaدن اوشاقلار دنیایه گلجک دیر.بو تکنولوژی واسطه سیله آنادان اوشاغا گئچن نوخوشلیقلار دایاندیریلاجاقدیر.دنیادا هر آلتی مین ٥٠٠اوشاقدان بیری بو نخوشلوقلارا یاخالار.بو تکنیک ده آنانین یومورتاسیندا اولان ساغلام سیز dnaلرین یئرینه باشقا قادین دان آلینان ساغلام dnaلری یئرلشدیریرلر

سوئدی محقق لر آلزایمر درمانیندا اؤنملی بیر آددیم گوتوروبلر

شینهوا خبرگذارلیغینین وئردیگی خبره گوره،سوئدلی بیلیم انسانلاری آلزایمر درمانیندا عصبی سلول لارین بویومه سینی تحریک ائدن بیر ایمپلنت قوللانیبلار و ایی جواب آلیبلار.

توریست لر ایچون سرنشین سیز اوچاق(هواپیما) دوزلیب دیر.

فلای اوچاغی عکاسی و فیلم کامئراسینا(video) مجهز دیر و برنامه سی بیر هوشمند گوشی ده نصب اولور و اپراتورا جانلی شکیل ده تصویر و فیلم ایزله مه سینی توریستی یئرلر(cap) ده امکان وئریر.

رسول خطیبی:بوندان سونرا دا بیر طرفدار کیمی استادییومدان سئوگیلی تیمیم تیراختور آلقیش لایاجاغام، او دئییب هامی تونی یه آرخا دورسون ، خطیبی آرتیریب کی من یالنیز نئچه آیلار زحمت ایله تیراختورا یازیلان اوچ ایل لیک وئرلیشین (پروقیرام) عقیم قالماسیندان ناراحاتام، ایستیردیم فوتبال آذربایجان یئرلی لشسین (بومی لشسین) تاسف ایله ایمکان وئرمه دیلر.

ترکیه ده مشهور  دین عالیم جببه لی احمد حوجا یا باعلی اولان  ساتیش مرکزینده اود آلماز و قبرین ایلک گئجه عذاب یندان قورویان کفن لر ساتیلیر ، معمولی کفن ین قیمتی 10 لیره اولسادا بو اوزل کفن لر 370 لیره اولوب.

برئنت مارکالی نئفت ین قیمتی دونیا بازار لاریندا یوکسله رک بشکه سی 62 دولار اولوب./قایناق آذرتاج

غربی آذربایجانین مخابرات ایداره سی نین رئیسی:بو ایل استانین باند گئنیشلیگی (پهنای باند) یوزده 150 چوخالیب.

فجر آذربایجان گونده لیگی(روزنامه سی):تبریز ده A , B  آنفولانزا نوع لری  توتان اینسانلاری سایی چوخ آلیب،بو نوع مریض لیق دن 8 نفر آدام اؤلوب.

غربی آذربایجان استانداری نین عمران معاونتی:گون هر بیر آذربایجانلی اوست اوسته 200 لیتر سو ایشله دیر.

زنگان اوستانین مال دارلیق تولیدلرین گئنیش لندیرن ایداره سی نین رئیسی دئییر:زنگان ین اقلیمی و اینسانی منبع لری باعث اولوبدور بو اوستان  "دوه قوشو"(شتر مرغ)بئجرتمک اوچون ان ایستعدادلی یئرلردن بیری اولسون.

+0 به يه ن

یام نیوز: مشهور آدربایجان خواننده سی آیهان بو قوروها باشچی لیق ائدیر پاپ موسیقی چی آیهان مهر خبرلیگ ینه وئردیگی مصاحیبه ده آرتیریب یئنی ایفالار ایله چیخیش ائدیب آذربایجان موسیقی سی نین اصالت ینه لایق بیر کونسئرت نمایشا قویماق ایستیریک آذربایجان موسیقی آلت لری یانیندا غربی موسیقی آلت لریندن ده ایستفاده اولوناجاق.او دئیب بو کونسئرت ده ایجرا اولوناجاق 16 ماهنی نین 4 ده نه سی آذربایجان رقص نین ایجراسی ایله اولاجاق، رقصی اوشاقلار نئچه فیستیوال دا مقام لار قازانان اوشاقلار قوروپو ایجرا ائدجک.