+0 به يه ن

 يام نيوزون فارس خبر آگئنت يندن آلديغي خبره گؤره نقده شهرستانين بو گونكو ايداري شوراسيندا بو شهر ده مهم تاريخي تپه لردن اولان قالاباشيندا توريست لري جذبي اوچون يئني ايش لر گؤرولمك اوچون بحث لر اولوب و تصميم لر توتولدو.

بو شهرين فرمانداري مرتضي فرامرزي دئدي تاسف ايله مملكت ين مهم تاريخي آبيده لريندن اولان بو تپه نئچه دفعه لر عتيقه قاچاقچي لر وريندن چاپيليبدي.اونون دئديگينه گؤره توريست لرينه بو تپه ماراقلارينا گؤره گرك دير بو تپه يه اورقانلارين و مسول دستگاهلاريندا ماراغي آرتا.

+0 به يه ن

يام نيوزون فارس خبر آگئنت يندن آلديغي خبره گؤره بو گون بو شهرده يئرلشن پلاستيكي سبد دوزلدن بير كارخانادا پينج ين (بخاري) پارتلاماسيله كارخانا اود توتوب و بو كارخانايا 15 ميليارد ريال ضرر ووروبدور.

آرتيرمالييق بو كارخانا كئچن ايل ياي دا 13 ميليارد ريال هزينه ايله ايشه باشلاميشدي. بو قضادا كارخانانين ايكي پلاستيك تزريق ائدن دستگاهي و انباريندا اولان سبد لري يانيب كول اولوبدور.

+0 به يه ن

يام نيوزون فارس خبر آگئنت يندن آلديغي خبره گؤره دي آي نين بيرينده شبستر شهرستان ين ايداري شوراسيندا ايران مجليس نين نائيب ايله ايشترك ائدن شبسترلي لرين ميللت وكيلي دئييب كي اروميه گؤلونون قوروماسيله آپاريلان مطالعاتي طرح لر بير يئره چاتماييب دير.تاسف ايله بو گؤلون قوروماسيله شبستر اكين چي لري چوخلو ضرر گؤرور نييه كي يوزه يئتميش آغاج لاري قورويوب و دوز توزلو يئل لرين اسمه سيده اونلارا بؤيوك  تهلوكه ياراديب دير.او آرتيردي شبستر قديم ايپك يولونون قيراغيندا يئرله شيب دير و گرك بو شهرستانين نقشي بو بين المللي يولون احياسينده چوخ اولا.او آرتيريب بو شهرستان ين حتي كندلرينده يونيوئرسيته مركزلري نين فعالييت لري بو بؤلگه اينسانلارينين يوخاري فرهمگ لرين گؤسترير.

+0 به يه ن

يام نيوزون ايرانا خبر آگئنت يندن آلديغي خبره گؤره آذر آي نين 30 ده ياغان آغبر قارا گؤره بو اوستاندا اللي كندين يولو باغلانميشدير امما يول اداره سي نين يول قوروما مسول لارينين چاليشماسيله دون آخشاما قدر 46 كندين يولو آچيليب و دؤرد كندينده يولو آچيلماق اوچون گركلي اولان ايش لر گؤرونور.بو كندلر سلطانيه،تاريم و انگوران منطقه سينده يئرله شيرلر.

+0 به يه ن

يام نيوزون منطقه آلتي شهرداري سي نين عمومي رابطه لر مسوللاري وريندن آلديغي  معلوماتا گؤره ايران ايلك فوتبال موزه سي "آذربايجان فوتبال موزه "سي آديلا تبريزين خانه سازي محله سينده  آچيلير.

بو موزه ده 100 دن چوخ آذربايجان فوتبالايله ايلگيلي سند و عكس و ماتئريال نمايشا قويولاجاق .موزه نين دي آي نين 4 نده آچيليش مراسيمي اولاجاق بو موزده ايران فوتبال نين آتاسي رحمت ليك صدقياني دن ده اثرلر نمايشه قويولاجاق.

+0 به يه ن

يام نيوزون شهرداري نين ورزشي مسول لاريندان آلديغي خبره گؤره بو تيم مهدي پاشازاده نين ايستعفاسيندان سونرا ايران دسته بير ليگ ينده قدرتلي حضور تاپماق اوچون ايرانين فرهاد كاظمي آدلي مربي سيني خدمته آلماق ايستير.

بو مربي قاباق كي ايل لرده تيراختور سازي ده ده مربي ليك ائتميشدي.

تبريز شهرداري سي نين تيمي تاسف ايله بو رقابت لرده 10 ايمتياز ايله جدول ده 9 نجو سيرادا يئرله شيب  بو گروه دا 11 تيم يئرله شيب دير.

+0 به يه ن

يام نيوز: اورمو گؤلونون قوروماسيله بو گؤلدن قلان يوزده اون مساحت ينده ده دوزون غلظتي هر ليتيرده 400 گرمه چاتيب دير و بو مساله باعث اولوبدور آرتيمالارا لازيم اولان ياشام شرايطي آرادان گئت سين. آرتيرمالييق گؤلون قوروموش يئرلرينده دوزلر اوستونده چوخلو آرتيما اؤلوسو گؤرونور.

آرتيما دونيادا باهالي سو جانلي لاريندان دير و اوندان گلن خاص پروتين لر باهالي داوا درمان صنعت ينده ايشله نيلير.

+0 به يه ن

يام نيوز دورنانيوز سايت يندن آلديغي خبره گؤره بو ايل ين 8 آيندا كئچن ايل  ايله مقايسه غربي آذربايجان استانيندا ائولنك لرين آماري يوزه 7 آزآلماق ايله 22137 دن ائولنمك و بوشانماق كئچن ايله نيسبن يوزه 14 آرتيم ايله 939 دن اولوبدور.مهر خبر آگئنت ينه مصاحيبه وئرن ثبت احوال ايداره سي نين رييسي آرتيريب كي آمار گؤستريركي هر 6 ائولنك دن بيري بوشانماق ايله سونا چاتير.

+0 به يه ن

يام نيوزون دورنانيوز سايت يندن آلديغي خبره گؤره حسن عباس نژاد بو مهم ايداري يه آلتي ايل ليك رياست يندن سونرا استعفا وئدي.او استعفا علت ين خانوادگي مسايل ايله احيصلاتي نين ادامه وئرمه سين بيلديريب.

آرتيرمالييق عباس نژاد اورمو گؤل ايله باغلي عمومي رسانه لره تئز تئز حقيقي گزارش لر وئرردي.

+0 به يه ن

يام نيوزون فارس خبر آگئنتيندن آلديغي خبره گؤره بو استانين استانداري دئييركي شهرده بعضي ساعات لاردا پيس قوخونون يايلما علتي بو شهرده  اولان جهان و پايه ياغ كارخانالار ايله فاضلاب سيز زنگان يونيوئرسيته سي نين دير.

جميشد انصاري آرتيردي بو شهرين مهم پروژه لريندن اولان سبزه مئيدان پروژه سي زمان بندي برنامه سيندن دالي دوشمه ييب دير.شهرداري ايله شورا دارتيشمالاري بو پروژه ده منفي تاثير قويماييب دير.بو پروژه زنگانين قديمي بافت ينده ايجرا اولور.